မျက်ကွယ်ပြုလို၍ အကွယ်မှာ ပုန်းနေလေရော့သလား။ အတိတ်နိမိတ်ဆိုးများကို ကြိုမြင်လို့ မကြားလိုလို့ပေပဲလား။ သေနတ်ပစ်မှုကြီးကို အကာအကွယ်ပေးလို၍ လေလား။
ဘာပဲဖြစ်ဖြစ် ဒီသေနတ်ပစ်မှုကြီးဟာ မြန်မာပြည်ရဲ့အလှကို ဖျက်ဆီးလိုက်ပါပြီကောလား။ လူသား ကမ္ဘာကို အရုပ်ဆိုးစေလေပြီ တကား။
မကြာမီ ရှက်စရာ၊ ရွံ့မုန်းစရာ၊ အော့နှလုံးနာစရာ၊ နာကြည်းစရာ၊ ကြေကွဲဝမ်းနည်းစရာ၊ ဒေါသဖြစ်စရာတွေ ရောပြွမ်းနေတဲ့ ဖြစ်ရပ်တွေ မလွှဲမရှောင်သာ ပေါက်ကွဲတော့မှာကို ကြိုသိနေတဲ့ နေမင်းကြီးဟာ သမိုင်းတွင်ရစ်မယ့်
လူသတ်မှုကြီးမှာ သက်သေ ထွက်ဆိုရမှာ ၀န်လေးနေလို့များ ရန်ကုန်မြို့ကို ထွက်ပြူကာ နှုတ်ဆက် မ၀ံ့လေရော့သလား။
အချိန်ဟာ နံနက် ၁၀ နာရီပင် ကျော်နေပါပြီ။ မိုးဖွဲကလေးများပင် ကျလျက်နေပါပြီ။
မကြာခင် ပေါက်ပေါက် လှော်သလို ရန်ကုန်မြို့လယ်က သေနတ်သံများ အဆက်မပြတ် ကြားလိုက်ရတယ်။ အတိအကျ ပြောရရင် ရန်ကုန်မြို့ အတွင်းဝန်များရုံး (အခု ၀န်ကြီးများရုံး) ကပါ။
ဒီအချိန်က ၁၉၄၇ ခု ဇူလိုင်လ ၁၉ ရက်နေ့ နံနက် ၁၀ နာရီ ၃၇ မိနစ် အချိန်ပါ။
စစ်ကြီးပြီးလို့ ရန်ကုန်မြို့တော်မှာ သေနတ်သံ၊ အမြောက်သံ ဗုံးသံတွေ မကြားရတော့ အေးအေးချမ်းချမ်း။
နေမင်းဟာ မိုးတိမ်တွေကြားက ထွက်ပြူမလာ။ ရန်ကုန်မြို့ကြီးမှာ နေရောင်မရ မိုးဖွဲကလေးတွေကြောင့် အေးစိမ့်စိမ့်။
| ဘယ်လိုပဲရှိစေ ဒီသမိုင်းဟာ ကျွန်တော်တို့ မြန်မာပြည်သူတွေ မမေ့စကောင်းတဲ့ သမိုင်းဖြစ်ရပ်ပါ... |
သေနတ်သံတွေဟာ အေးချမ်းနေတဲ့ ရန်ကုန်မြို့ကြီးကို ဖြိုခွင်းပစ်လိုက်ပါတယ်။ ထိတ်လန့် ကြောက်မက်ဖွယ် သေမင်းအသံက မိုးပြိုမတတ်၊ တုန်ဟီးလျက်။
သေနတ်သံတွေ ကြားရာဆီသို့ ချက်ချင်း သွားရောက် ကြည့်ရှုလိုက်မယ် ဆိုရင် အတွင်းဝန်ရုံး အတွင်းက အမှတ် အာရ်စီ ၁၈၁၄ ဂျစ်ကားတစ်စီးဟာ တစ်နာရီမိုင် ၃၀ နှုန်းလောက် မောင်းပြီး ဒုန်းစိုင်း ထွက်လာတာ မြင်ရပါလိမ့်မယ်။
တစ်စုံတစ်ယောက်ဟာ ဗိုလ်အောင်ကျော်လမ်းဖက် မျက်နှာပြုထားတဲ့ အတွင်းဝန် ရုံးခန်းထဲ ၀င်သွားကြည့်မယ် ဆိုရင် ဗိုလ်အောင်ကျော်လမ်းဖက် မျက်နှာပြုထားတဲ့ ဂငယ်သဏ္ဌာန် စားပွဲထိပ်နဲ့ ခပ်လှမ်းလှမ်း ကြမ်းပြင်ပေါ်မှာ ဗိုလ်ချုပ်အောင်ဆန်းဟာ တုံးလုံးလဲ ကျဆုံးနေတာ တွေ့ရပါမယ်။
စားပွဲလက်ယာမှာ မိုင်းပွန်စော်ဘွားကြီး စ၀်စံထွန်းဟာ သူ့ကုလားထိုင်ပေါ်မှာထိုင်ရင်း စားပွဲပေါ်ကုန်း လက်ထောက်ထားပြီး ပါးစပ်က သွေးများ ယိုစီးကျနေတယ်။
စားပွဲ လက်ဝဲဘက်မှာ ထိုင်နေတဲ့ ၀န်ကြီးသခင်မြဟာ စားပွဲထိပ် လက်ဝဲဘက်ထောင့် စားပွဲအောက်နားမှာ မှောက်လျက် ကျဆုံးနေပါတယ်။
ဝန်ကြီးဦးရာဇတ်၊ ၀န်ကြီးဒီးဒုတ်ဦးဘချို၊ ၀န်ကြီးဦးဘ၀င်းနဲ့ ၀န်ကြီးမန်းဘခိုင်ဟာလည်း သူတို့ထိုင်မြဲ ကုလားထိုင်များပေါ်မှာ ခေါင်းငိုက်စိုက်ကျလျက် ငြိမ်နေပါတယ်။
ဆရာကြီး ဦးရာဇတ်နဲ့ ဒီးဒုတ် ဦးဘချိုတို့ နှစ်ဦးဟာ အသက် မသေသေးပါ။ အသက်ရှူ လှုပ်ရှားနေဆဲပါ။
တတိယ အတွင်းဝန် ဦးအုန်းမောင်လည်း ကျဆုံးနေပါတယ်။ ၀န်ကြီး ဦးရာဇတ်ရဲ့ အသက် ၁၈ နှစ် အရွယ် သက်တော်စောင့် ရဲဘော်မောင်ထွေးလည်း သွေးအိုင်ထဲမှာ ကျဆုံးနေတယ်။
သွေးစိမ်းရှင်ရှင်တွေ အိုင်ထွန်းနေတယ်။ စားပွဲကုလားထိုင်များ ဖရိုဖရဲ။ အဲဒါက အတွင်းဝန်များရုံး ၀န်ကြီးများ အစည်းအဝေးခန်းမရဲ့ အနိဋ္ဌာရုံပါ။
ဘူးပေါ်ခဲ့ပြီးတဲ့ လုပ်ကြံမှုကြီး
ကိုခင်မောင်ရင်နဲ့ ကိုဘညွန့်တို့ ဖော်ကောင်လုပ်လိုက်လို့ အခုတော့ ဦးစောနဲ့ အပေါင်းအပါ တစ်စုက လုပ်ကြံတယ် ဆိုတာ ထင်ရှားသွားပါတယ်။ ဗိုလ်တထောင် လက်နက်တိုက်က လက်နက်တွေလည်း ဦးစောနဲ့ အင်္ဂလိပ်
စစ်အရာရှိတွေ ပူးပေါင်း ထုတ်သွားတယ်။ အဲဒီအမှုနဲ့ ဦးစောနဲ့ အပေါင်းအပါ တစ်စုကို သေစားသေစေ ဆိုပြီး ကြိုးမိန့်ပေးခဲ့တယ်။ လုပ်ကြံရာတွင် တရားခံများ အဖြစ် ပါခဲ့တဲ့ အင်္ဂလိပ်စစ်ဗိုလ် မေဂျာယမ်းနဲ့ ကပ္ပတိန် ဗီဗြင် တို့ကို ထောင်ဒဏ်များ ပေးလိုက်တယ်။
ကမ္ဘာ့တစ်ခွင်ကို ဒီလောက် ကြီးကျယ်တဲ့ တုန်လှုပ်ချောက်ချားပြီး ကျော်ကြားခဲ့တဲ့ ဒီလုပ်ကြံမှုကြီး ဖြစ်စကတော့ တရားခံ ဘယ်သူဘယ်ဝါ ဖြစ်မယ် ဆိုတာ ထင်ကြေးတွေပဲ ပေးခဲ့ကြတယ်လို့ အမှုမပေါ်ခင် တရားခံတွေကို ရှာနေစဉ် ကာလ ကတော့ ဒီအမှုဟာ မြန်မာပြည်နဲ့တကွ ကမ္ဘာ သိချင်နေတဲ့ ဧရာမ ပဟေဠိဆန်တဲ့ အမှုကြီးပါ။
အခု ပဟေဠိရဲ့အဖြေကို ရလိုက်ကြပြီးမှ ရေးသားရတဲ့ သမိုင်းရဲ့ အထင်ကရ ဖြစ်ရပ်ကြီးကို ပြန်လည်ရေးရာမှာ ဖတ်ရှုသူများ အတွက် ငါတို့ သိပြီးသားကြီးပါကွာလို့ ဆိုချင်ဆိုကြပေလိမ့်မယ်။ ဥပမာ အရင်တုန်းက အကြိမ်ကြိမ် ကြည့်ပြီးတဲ့ ဗိုလ်အောင်ဒင် ရုပ်ရှင်ကားကို ပြန်ကြည့်ရသလို မူလ မကြည့်သေးခင်က ကြည့်ရတဲ့ မျက်စိပသာဒ၊ ကိုယ်ထဲဝမ်းထဲ အကြောထဲ၊ အရိုးထဲခြင်ဆီထဲ စိမ့်ဝင် ခံစားခဲ့ရပုံမျိုးတော့ နောက်ကြည့်တဲ့ အခါ ဒီခံစားရပုံမျိုး ရှိမယ် မထင်ပါ။ ကြည့်ပြီးတဲ့ကားကို အပျင်းပြေ လာကြည့်တာထက်တော့ ပိုနိုင်စရာ မရှိသလိုဘဲလို့ ဆိုရပေမလားပဲ။
ဘယ်လိုပဲရှိစေ ဒီသမိုင်းဟာ ကျွန်တော်တို့ မြန်မာပြည်သူတွေ မမေ့စကောင်းတဲ့ သမိုင်းဖြစ်ရပ်ပါ။
ဦးစောရဲ့ ဘုရင်သတ် ဘုရင်ဖြစ်တဲ့ စီမံကိန်း
ဗိုလ်ချုပ်အောင်ဆန်းဟာ ဦးစောရဲ့ ပစ်မှတ်တစ်ခု အဖြစ် ဖြစ်လာပါတယ်။ ဗိုလ်ချုပ်အောင်ဆန်း ရှိနေသမျှ သူဟာ နန်းရင်းဝန်ဖြစ်ဖို့ မလွယ်ဘူး။ အဲဒီတော့ ဗိုလ်ချုပ်အောင်ဆန်းနဲ့ ဖဆပလ ခေါင်းဆောင်များကို သုတ်သင်ပစ်မှ ဖြစ်မယ် ဆိုတဲ့ ခံယူချက် ရှိလာတယ်။ သူဟာ အကြံလည်းပက်စက်၊ ဇက်ရဲလက်ရဲလည်း ရှိတယ်။ လုပ်ရဲကိုင်ရဲတယ်။ အကြံကြီးတယ်။ ဇွဲကောင်းတယ်။ ပရိယာယ်ကြွယ်တယ်။
သူ့အပေါ် သစ္စာခံမယ့် ခိုင်းစေတာကို နာခံ ဆောင်ရွက်ပေးနိုင်မယ့် လူငယ်လူရွယ်တွေကို တစ်ဖက်က စည်းရုံးပြီး လူစုပါတယ်။ အဲဒီ လူစုရာမှာ သူ့ဘက်က ရပ်တည်မယ့် လူတွေကို အယုံသွင်းတယ်။ သစ္စာရေတိုက်တယ် ဆိုတဲ့ အလုပ်တွေကို တစ်ဘက်ကလုပ်ပြီး တစ်ဖက်ကလည်း လက်နက်ရဖို့ ကိစ္စတွေကို အလောတကြီး လုံးပန်းပါတယ်။
သူဟာ သူ့သားချင်းများနဲ့ သာယာဝတီနယ်က လူငယ်တွေကို လက်သပ်မွေးတယ်။ သူစည်းရုံးလို့ရတဲ့ လူငယ်တချို့ နာမည်တွေကို ဖော်ပြပါမယ်။ အဲဒီလူငယ်တွေက မောင်နီ၊ ခင်မောင်ရင်၊ ရန်ကြီးအောင်၊ သုခ၊ ဘညွန့်၊ သက်နှင်း၊ စိန်ကြီး၊ မောင်စိုး၊ မှုန်ကြီး စသည်တို့ ဖြစ်ပါတယ်။
သူ့ဆီရောက်တဲ့ တပည့်တွေကို သူက သူ့အိမ်ဘုရားခန်းမှာ သစ္စာဆိုစေပါတယ်။ ''ဂဠုန်တပ် စစ်သူကြီး ဦးစော၊ နောက် ဂဠုန်တပ်သားများ အပေါ်မှာ သစ္စာတည်ပါတယ်။ တိုင်းပြည်အတွက် အသက်စွန့်ပါမယ်''လို့ သစ္စာဆိုစေပါတယ်။
သစ္စာဆိုပြီးတဲ့ စာရွက်အပေါ်မှာ ''တိုင်းပြည်အပေါ် သစ္စာဖောက်မိလို့ ကိုယ့်ကိုယ်ကိုယ် အဆုံးစီရင်လိုက်ပါပြီ''လို့ ရေးသားပြီး လက်မှတ်ထိုးစေပါတယ်။ ဒီစာရွက်ပေါ်မှာ နေ့စွဲတပ်မထားပါ။ လက်မှတ်ထိုးပြီးတဲ့ စာရွက်တွေကို ဦးစောကပဲ သိမ်းယူထားပါတယ်။ အဲဒီလို တပည့်တွေ မွေးထားပြီး တတ်နိုင်သလောက်လည်း ငွေရေးကြေးရေး အရ ထောက်ပံ့ ကျွေးမွေးထားပါသတဲ့။
၁၉၄၇ မေလမှာ ဦးစောဟာ မေဂျာယမ်း ဆက်သွယ်ပေးတဲ့ ဗီဗြင်နဲ့ လက်နက်ကိစ္စကို တေ့တေ့ဆိုင်ဆိုင် စကားပြောတယ်တဲ့။ ဇွန်လမှာ ပြင်ဆင်မှုများ ပြုလုပ်တယ်။ လက်နက်ကိစ္စ စကားပြောတဲ့အခါ ကပ္ပတိန် ဗီဗြင်က
ဘရင်းအလက် ၂၀၀ ထုတ်ဖို့ ပြောတဲ့အခါမှာ ဦးစောက လက်နက် ၂၀၀ များလွန်းတဲ့အကြောင်း ပြောပြတယ်။ သူက လက်နက် ၂၀၀ စလုံး ထုတ်ယူမှ ဖြစ်မယ်။ ကိုယ်ကြိုက်သလောက် ယူထားပြီး ကျန်တဲ့လက်နက်တွေကို ဖျောက်ဖျက်ပစ်ပါလို့ အတန်တန်ပြောမှ ဦးစောကလည်း သဘောတူခဲ့တယ်လို့ သိရတယ်။
ဇွန်လ ၂၃ ရက်နေ့ ညနေပိုင်းမှာ ဗီဗြင်ဟာ လက်နက်ထုတ်ဖို့ အတွက် တံဆိပ်နှိပ်ပြီး ပုံစံများကို ဦးစောရဲ့အိမ်သို့ ယူလာတယ်။ ဦးစောက ဘညွန့်ကို ပုံစံများ ဖြည့်စေတယ်။ ပြီးတော့ ပုလိပ် အင်စပက်တော် ဘစိန် ဟု
လက်မှတ်ထိုးစေတယ်။ ဗီဗြင်က အေ-ဘီဒေးဗစ်လို့ လက်မှတ်ထိုးတယ်။
နောက်နေ့မှာ ဘညွန့်က ပုလိပ် အင်စပက်တော် ယူနီဖောင်းနဲ့ ပခုံး တစ်ဖက်တစ်ချက်မှာ ကြယ်ပွင့်နှစ်ပွင့်စီ တပ်ဆင်ထားတယ်။ မောင်စိန်က အရစ်သုံးရစ်နဲ့ ပုလိပ်ဆာဂျင်လို ၀တ်ထားတယ်။ သူတို့ဟာ ဦးစော လူများနဲ့ သုံးတန် ထရပ်ကား နံပါတ် ၁၀၁၅ တပ်ပြီး လက်နက်တိုက်ကို မောင်းသွားတယ်။ အခက်အခဲ မရှိဘဲ လွယ်လွယ်ကူကူနဲ့ ဘရင်းသေနတ် အလက် ၂၀၀ ပြောင်းပို ၂၀၀၊ ကျည်ကပ် ၈၀၀ ကို ထုတ်ယူလိုက်ကြတယ်။ ထုတ်ယူပြီး ဦးစောနေအိမ်ကို ပြန်ခဲ့တယ်။ အိမ်ကိုရောက်တဲ့အခါမှာ လက်နက်များကို ထရပ်ကားပေါ်၌ပင် ထားကာ ကားကိုဝင်းထဲမှာ ထိုးဆိုက်ထားတယ်။
စက်သေနတ် အလက် ၂၀၀ ယူခဲ့တဲ့နေ့က ဆိုရင် ဦးစောဟာ လက်နက်တွေ ရလာတော့ အထူး ၀မ်းသာသွားတယ်။ ဂဠုန်ကွဆိုပြီး လက်သီးဆုပ်ပြီး ကြွေးကြော်လိုက်သေးတယ်။ တပည့်များဟာလည်း ဒီလောက်များတဲ့ လက်နက်တွေ တစ်ခါမှ မတွေ့ဖူးတော့ ပိုပြီး ၀မ်းသာအားရ ဖြစ်ကြတယ်။
အေ-ဘီဒေးဗစ်ဟာ ဇူလိုင်လ ၁၄ ရက်နေ့မှာ သူ့နာမည်နဲ့ လက်နက်များ ထုတ်ယူသွားတဲ့ အကြောင်း သိရတယ်။ အဲဒီတော့မှ အဲဒီနေ့မှာ ဗိုလ်တထောင် ပုလိပ်ဌာနကို တိုင်ချက် အမှတ် ၅၈၂/၄၇ ကိုဖွင့်တယ်။ အမှုကို လိုက်လံ စုံစမ်းနေကြတယ်။
ဗိုလ်ချုပ်အောင်ဆန်းနဲ့ ဆရာကြီး ဦးရာဇတ် တို့ဟာ လက်နက်များ ပျောက်သွား ကတည်းက မသမာသူများက အခုလို လုပ်ကြံလိမ့်မယ် ဆိုတာကိုတော့ သိသင့်သလောက် သိပါတယ်။
| ဒီကနေ့ ဆိုရင် ဒီသမိုင်းဝင် အဖြစ်အပျက်ကြီးဟာ နှစ်ပေါင်း ၆၄ နှစ် တိုင်ခဲ့ပါပြီ။ ဒါပေမဲ့လို့ ပြည်သူတွေနဲ့ စာရေးသူတို့ဟာ အာဇာနည်ကြီးများကို မမေ့မလျော့ ရင်ထဲ အသည်းနှလုံးထဲ အစဉ်အောက်မေ့ သတိရလျက် ရှိနေကြပါတယ်။ အာဇာနည် သူရဲကောင်းကြီးများ ကောင်းရာသုဂတိ လားပါစေလို့ ဆုတောင်းပါရစေလား.... |
ဗိုလ်တထောင် လက်နက်တိုက်က လက်နက်အလက် ၂၀၀ ကျော်နဲ့ ကျည်ဆန်များ ပျောက်သွားတယ် ဆိုခြင်းဟာ ရန်ကုန် တစ်မြို့လုံးတင် မကဘူး။ မြန်မာပြည် တစ်ပြည်လုံးမှာ
အုတ်အော်သောင်းတင်း ဖြစ်သွားတယ်။ ဒါကြောင့် ပုလိပ်အဖွဲ့ကလည်း ဒီလက်နက်တွေ ကိစ္စကို အပြင်းအထန် လိုက်လံ စုံစမ်းကြပါတယ်။
ဦးစောဟာ ၁၉၄၇ ခု ဇူလိုင် ၁၉ ရက်နေ့ နံနက်မှာ ၀န်ကြီးများ အစည်းအဝေး ပြုလုပ်မယ့် အကြောင်းကို ကြိုတင်ပြီး သတင်း ရယူရထားတယ်။
ဇူလိုင်လ ၁၉ ရက်နေ့ နံနက်မှာ ၀န်ကြီးများ အစည်းအဝေး ရှိတယ်။ အဲဒီ အစည်းအဝေးမှာ လက်နက်များ ခိုးထုတ်တဲ့ ကိစ္စကို ဆွေးနွေးဖို့ ရှိတယ်။ အတွင်းဝန်များရုံးမှ ဗိုလ်ချုပ်အောင်ဆန်းရဲ့ ရုံးခန်းနဲ့ ဆက်နေတဲ့
အစည်းအဝေးဆောင်မှာ ၀န်ကြီးများ စုဝေးကြတယ်။ ဗိုလ်ချုပ်အောင်ဆန်းဟာ မြန်မာဝတ်စုံ ၀တ်ပြီး သူ့ရဲ့ ကန်တော်ကြီး နေအိမ်က နံနက် ၁၀ နာရီခန့်တွင် ထွက်ခွာလာခဲ့တယ်။ သူရုံးကိုရောက်ပြီး အစည်းအဝေး စတင်တယ်။
ဗိုလ်ချုပ်အောင်ဆန်းက ထိပ်စားပွဲတွင် ထိုင်တယ်။ လက်ဝဲလက်ယာ စားပွဲများမှာ ၀န်ကြီးများ ထိုင်ကြတယ်။ အတွင်းဝန် ဦးရွှေဘော်က ဗိုလ်ချုပ်အောင်ဆန်း အနားတွင် ထိုင်တယ်။ အတွင်းဝန် ဦးအုန်းမောင်က သူ့ဌာနဆိုင်ရာ ကိစ္စရပ်ကို ရှင်းလင်းတင်ပြဖို့ လာတယ်။
၁၉၄၇ ခု ဇူလိုင်လ ၁၉ ရက်နေ့ နံနက် ၈ နာရီလောက်မှာ ဦးစော အိမ်ကြီးကနေ ခင်မောင်ရင်၊ ဘညွန့်၊ မှုံကြီး၊ မောင်နီတို့ ထရပ်ကားနဲ့ ထွက်လာကြပါတယ်။ အဲဒီလို အိမ်ကအထွက်မှာ ဦးစောက တစ်ယောက်စီ တစ်ယောက်စီကို တီးတိုးတီးတိုး မှာကြားပါတယ်။ အဲဒီလို မှာကြားတာကို တစ်ယောက်တစ်ယောက် မသိကြပါဘူး။ ဘညွန့်ကို ဦးစောက ၀န်ကြီးများ အစည်းအဝေးလုပ်ဖို့ သေချာရင် စကားဝှက်နဲ့ 'ထ' 'ပစ်စတင်ရင်းရပြီ' လို့ ဦးစောဆီကို တယ်လီဖုန်း ဆက်ဖို့ မှာလိုက်တယ်။ နောက်ပြီး အတွင်းဝန်ရုံးက သခင်နုရှိတဲ့ နေရာသွားပြီး သခင်နုကို သေနတ်နဲ့ ပစ်သတ်ဖို့ မှာကြားတယ်။
သူတို့လေးယောက် ထွက်လာတော့ နံနက် ၉ နာရီ ရှိနေပါပြီ။ ဒါလဟိုဇီလမ်းနဲ့ ၄၁ လမ်းထောင့် ရောက်တော့ အတွင်းဝန်ရုံးကို မျက်နှာမူပြီး ကားရပ်တယ်။ ခင်မောင်ရင်နဲ့ မှုံကြီးက အရင်ဆင်းပြီး ဒါလဟိုစီလမ်းကို ဖြတ်ပြီး စပတ် လမ်းထဲကို ၀င်သွားတယ်။ ဘညွန့်ကတော့ နောက်ကလိုက်သွားတယ်။ မောင်နီက ကားစောင့်အဖြစ် နေရစ်ခဲ့တယ်။ အတွင်းဝန်ရုံးကို အထွက်လို့ ပြထားတဲ့ ဂိတ်ပေါက်က ၀င်ကြတယ်။ သူတို့နှစ်ယောက် အတွင်းဝန်ရုံး ဆင်ဝင်အောက်ကို ရောက်သွားတဲ့အခါမှာ ပျောက်သွားကြတယ်။
ဘညွန့်ကတော့ တိုင်းပြုပြည်ပြု လွှတ်တော် အဆောက်အအုံကို သွားပါတယ်။ ဦးနုရဲ့ ရုံးခန်းက အနောက်ဘက်ခြမ်း ပထမခန်းမှာပါ။ အဲဒီအခန်း အနောက်ဘက် ပြတင်းပေါက်က ပွင့်နေလို့ လှမ်းကြည့်လိုက်တော့ လူတစ်ယောက် ထိုင်နေတာ တွေ့ရတယ်။ သခင်နုပဲလို့ သူထင်တယ်။ အတွင်းဝန်ရုံး အရှေ့ဘက် ဆင်ဝင်အောက်ကို ထပ်လျှောက်သွားပါတယ်။ ၀န်ကြီးများ အစည်းအဝေး စတင် ကျင်းပဖို့ အတိအကျ သတင်းရတဲ့အခါမှ ဘညွန့်က ဦးစောဆီကို 'ပစ်စတင်းရင်းရပြီ' လို့ စကားဝှက်နဲ့ ဖုန်းဆက်လိုက်တယ်။
အဲဒီဘက်က ပြန်လှည့်လာပြီး ပြတင်းပေါက်က ထပ်ကြည့်တော့ ထိုင်နေတဲ့လူဟာ အင်္ကျီအနက် ၀တ်ထားတဲ့လူ ဖြစ်တယ်။ သခင်နု မဟုတ်မှန်းလည်း မြင်လိုက်ရတယ်။ ဒါနဲ့ ထရပ်ကား ရပ်ထားတဲ့ နေရာကို ပြန်သွားပါတယ်။ လက်ဖက်ရည် ဆိုင်တစ်ဆိုင် ၀င်ပြီး လက်ဖက်ရည်တစ်ခွက် သောက်ပါတယ်။
နောက်တစ်သုတ်မှာ သုခက ဂျစ်ကား အာရ်စီ ၁၈၁၄ ကိုမောင်းပြီး မောင်စိုး၊ သက်နှင်း၊ စိန်ကြီးနဲ့ ရန်ကြီးအောင် တို့က ရိုင်ဖယ် မောင်းပြန်သေနတ်များကို ကိုင်ကာ စစ်ဝတ်စုံများ ၀တ်ဆင်ပြီး လိုက်သွားကြပါတယ်။ အတွင်းဝန်ရုံး တစ်နေရာကို ရောက်တဲ့အခါမှာ သုခက ကားရပ်ပြီး လက်နက်ကိုင် လေးယောက်က အတွင်းဝန်ရုံး အနောက်ဖက် လှေကားမှ တက်သွားတယ်။
ဝန်ကြီးများ အစည်းအဝေးဆောင်ကို ၀င်ရောက် ပစ်ကြတယ်။ ဗိုလ်ချုပ်အောင်ဆန်းကရပ်ပြီး လက်ဟန်ပြ တားမြစ်သေးတယ်။ သူ့ရဲဘော်များ မှားယွင်း ၀င်လာသည် ထင်၍လား၊ သူ့လုပ်ဖော်ကိုင်ဖက် ၀န်ကြီးများကို
ကာကွယ်လို၍လား၊ မသမာ သူများကမူ ဗိုလ်ချုပ်အောင်ဆန်းကိုသာ အဓိက ပစ်မှတ် အဖြစ် ထားတယ်။ သူ့အား ပယ်ပယ်နယ်နယ် ပစ်ခတ်ကြတယ်။ ဗိုလ်ချုပ်အောင်ဆန်းဟာ ကျည် ၁၃ ချက်သင့်၍ သေဆုံးသွားရပါတယ်။
အစည်းအဝေးဆောင် တစ်ခုလုံးကိုလည်း အနှံ့အစပ် ပစ်ခတ်ကြတယ်။ ၀န်ကြီးပျော်ဘွယ်ဦးမြ၊ ဦးဘဂျမ်းနဲ့ ဦးအောင်ဇံဝေ တို့က ကံသီ၍ လွတ်ကြတယ်။ အတွင်းဝန် ဦးရွှေဘော်လည်း လွတ်မြောက်သွားတယ်။ အလားတူ
ကျန်ဝန်ကြီးများနဲ့ အတွင်းဝန် ဦးအုန်းမောင်တို့ ဒဏ်ရာဒဏ်ချက် များစွာနဲ့ နေရာတွင် ကျဆုံးကြတယ်။ မိုင်းပွန်စော်ဘွားနဲ့ ဒီးဒုတ်ဦးဘချို တို့လည်း ဆေးရုံတွင် နာရီအနည်းငယ်သာ ခံကြတယ်။ သို့ရာတွင် ဆရာဝန်ကြီးများနဲ့ သမားတော်ကြီး ဒေါက်တာ ဘသန်း၊ လက်ထောက်ဆရာဝန် ဒေါက်တာအောင်သန်း တို့က ကြိုးစား ၍ အသက်လုကြသော်လည်း မရကြပါ။ ဗိုလ်ချုပ်အောင်ဆန်း တို့ကို လုပ်ကြံပြီး အပြန် အတွင်းဝန်ရုံး လှေကားတွင် လူသတ်သမား တို့က ၀န်ကြီး ဦးရာဇတ်ရဲ့ သက်တော်စောင့် မောင်ထွေးကို အဖျားခတ် ပစ်သွားကြတယ်။
သေနတ်သံများ ကြားပါတယ်။ ပစ်ကုန်ကြပြီ ဆိုတာ သိနိုင်ပါတယ်။ တ၀ုန်းဝုန်း တဒိုင်းဒိုင်းနဲ့ မကြားရပါ။ အရွက်များတဲ့ သရက်ပင်ကြီးကို ကျောက်စရစ်ခဲလေးများနဲ့ ဆုပ်ပြီး လှမ်းပစ်လိုက်သလို မလှမ်းမကမ်းက ကြားရသလောက် ပါပဲတဲ့။ ဘယ်လို ဖြစ်နေသလဲ သူတို့ကပဲ ပစ်နေကြသလား။ အပြန်အလှန် ပစ်နေကြသလား စသည်ဖြင့် ဘညွန့်က တွေးတောနေမိပါတယ်။
ခဏကြာတော့ အနောက်ဘက် လှေကားမကြီးအတိုင်း မောင်စိုးတို့ ခပ်သုတ်သုတ် အပြေးကလေး ဆင်းလာကြပြီး ကားပေါ်တက်ကြတယ်။ စတော့ကိတ်လမ်း အတိုင်း ကန်တော်ကြီးဘက်ကို တက်လာပါတယ်။
သူတို့ ခြံသို့ရောက်တဲ့အခါ ခါတိုင်းလို တံခါးအဖွင့်ကို စောင့်မနေရဘဲ အသင့်စောင့်နေသူက ဖွင့်ပေးပါတယ်။
ကားပေါ်ကနေ ဦးစောကို လှမ်းကြည့်လိုက်တယ်။ မတွေ့ဘူး။ ဟိုကြည့် ဒီကြည့်နဲ့ အတော်လေးကြာမှ ကန်စောင်းဘက်ကနေ ဦးစော လာနေတာကို တွေ့ရတယ်။ မောင်စိုးနဲ့ သက်နှင်း တို့က လက်သီးဆုပ်မြှောက်ကာ ''အောင်ပြီ အောင်ပြီ'' လို့ ကြွေးကြော် နှုတ်ဆက်လိုက်တယ်။ အိမ်ထဲရောက်တော့ ထိုင်ကြတဲ့အခါမှာ ပစ်ခတ်သူတွေက ဘယ်လိုပစ်လိုက်တာပဲ ဘယ်လိုဖြစ်သွားတာပဲ စသည်ဖြင့် ဆူညံနေတာပဲ။
ဦးစောရဲ့ စေခိုင်းချက် အရ မောင်စိုးတို့ အဖွဲ့က အာဇာနည် ခေါင်းဆောင်ကြီးများကို သွေးအေးအေးနဲ့ ပစ်သတ်ခဲ့ကြပါတယ်။
ဇူလိုင်လ ၁၉ ရက် စနေနေ့ နံနက် ၁၀ နာရီ ၃၇ မိနစ်မှာ ဗိုလ်ချုပ်အောင်ဆန်းတို့ လုပ်ကြံခြင်း ခံရတယ်လို့ အမှတ်ပြုကြတယ်။ အာဇာနည်ကုန်း ဗိုလ်ချုပ်အောင်ဆန်းရဲ့ ဂူမှာလည်း အဲဒီလိုပဲ ကမ္ပည်းထိုးထားပါတယ်။ တကယ်ကျတော့ ထပ်မံ လေ့လာကြတဲ့ အခါ ၁၀ နာရီ ၁၀ မိနစ်မှာ ဗိုလ်ချုပ်အောင်ဆန်းတို့ ကျဆုံးကြတယ် ဆိုပဲ။
ဒီကနေ့ ဆိုရင် ဒီသမိုင်းဝင် အဖြစ်အပျက်ကြီးဟာ နှစ်ပေါင်း ၆၄ နှစ် တိုင်ခဲ့ပါပြီ။ ဒါပေမဲ့လို့ ပြည်သူတွေနဲ့ စာရေးသူတို့ဟာ အာဇာနည်ကြီးများကို မမေ့မလျော့ ရင်ထဲ အသည်းနှလုံးထဲ အစဉ်အောက်မေ့ သတိရလျက် ရှိနေကြပါတယ်။
အာဇာနည် သူရဲကောင်းကြီးများ ကောင်းရာသုဂတိ လားပါစေလို့ ဆုတောင်းပါရစေလား။
အားလုံး ငြိမ်းချမ်းသာယာမှု အဖြာဖြာ ကျရောက်ပါစေ။ကျန်းမာ၊ ချမ်းသာကြပါစေ။
