ဆိုမာလီယာ နိုင်ငံသား အများအပြား ၀င်ရောက်လာသောကြောင့် ကမ္ဘာ့အကြီးဆုံး ဒုက္ခသည်စခန်း တိုးချဲ့

ဒါဒက်ဘ် ဒုက္ခသည် စခန်းစုရှိ ဒါဂါဟာလေ ဒုက္ခသည်စခန်း

ဆိုမာလီယာနိုင်ငံတွင် မိုးခေါင်မှု၊ အစားအစာ ရှားပါးပြတ်လပ်မှုနှင့် စစ်ပွဲများကြောင့် လူထောင်ပေါင်းများစွာသည် ကင်ညာရှိ ကမ္ဘာ့အကြီးဆုံး ဒုက္ခသည် စခန်းရှိ တိုးချဲ့ စခန်းသစ်တစ်ခုသို့ စတင် ပြောင်းရွှေ့ခဲ့သည်။
ဒုက္ခသည်များဖြင့် ပြည့်ကျပ်နေသည့် Daddab စခန်းတွင် ဆိုမာလီယာမှ ဒုက္ခသည်များ အတွက် အခန်း မရှိတော့သော်လည်း တစ်နေ့လျှင် ဆိုမာလီယာ ဒုက္ခသည် ၁၅၀၀ သည် ကင်ညာသို့ ၀င်ရောက်လျက် ရှိသည်။ Dadaab စခန်းသည်  လူပြည့်သွားသည့် အကြောင်းကို ၂၀၀၈ ခုနှစ် ကတည်းက ထုတ်ပြန် ကြေညာခဲ့ပြီး ဖြစ်သည်။
စခန်းပြင်ပ နေရာတွင် ဒုက္ခသည် ၆၅၀၀၀ ကို ကတ်ထူပြားများ၊ ပလပ်စတစ် ရွက်ဖျင်တဲများဖြင့် ကိုယ်တိုင် နေထိုင်ရန် တွန်းအားပေးခဲ့သည်။ ''ဒီနေ့အကုန် ဆိုရင် ဒုက္ခသည် ၃၀၀၀ ကို တိုးချဲ့စခန်းကို ရွှေ့ပေးရမှာပါ''ဟု ကုလသမဂ္ဂ ဒုက္ခသည်အေဂျင်စီ (UNHCR) မှ ပြောရေးဆိုခွင့်ရှိသူ Emmanueal Nyabera က ရိုက်တာ သတင်းဝက်ဘ်ဆိုက်မှ AlertNet ကို ပြောကြားခဲ့သည်။
ကင်ညာ အစိုးရအဖွဲ့သည် ၁၉၉၁ ခုနှစ်က နယ်စပ်ဖြတ်ကျော် စစ်ပွဲကို ယာယီ ဖြေရှင်းပေးမှု အဖြစ် ဒုက္ခသည် ၉၀၀၀၀ အတွက် ရည်ရွယ်ပြီး Dadaab စခန်းကို ဖွင့်လှစ်ပေးခဲ့ခြင်း ဖြစ်သည်။
ဒုက္ခသည် ၈၀၀၀၀ ထားရှိရန် အတွက် Ifo 2 ဟု ခေါ်သည့် တစ်ဝက်ဆောင် တိုးချဲ့ ဆောက်လုပ်သည့် ဆောက်လုပ်ရေး တစ်ခုကို လုံခြုံရေးနှင့် သက်ဆိုင်သည်ဟု ပြောကြားခဲ့ပြီး ယမန်နှစ်က ရပ်ဆိုင်းခဲ့သည်။ Daddab စခန်းကို တိုးချဲ့မည့် အစား ဆိုမာလီနိုင်ငံ အတွင်းရှိ လူများကို အစားအစာ ပေးပို့ပေးရန်အတွက် ကင်ညာ အစိုးရအဖွဲ့က တိုက်တွန်းခဲ့သည်။
သူပုန်များ ထိန်းချုပ်သည့် ဆိုမာလီယာ တောင်ပိုင်းရှိ အစားအစာ ငတ်မွတ်နေသူ ၂ ဒသမ ၂ သန်း အတွက် အစားအစာ ပေးပို့မှုများ မလုပ်နိုင်ကြောင်း ကုလသမဂ္ဂကမ္ဘာ့ စားနပ်ရိက္ခာ အစီအစဉ်က ထုတ်ပြန်ခဲ့သည်။