အမေရိကန်နှင့် ယူရိုဇုန် ကြွေးမြီ အကျပ်အတည်းများ အပေါ် ပိုမို စိုးရိမ်လာသောကြောင့် ရွှေကို ရင်းနှီးမြှုပ်နှံမှု မြင့်တက်စေခဲ့ပြီး ရွှေတစ်အောင်စလျှင် ဒေါ်လာ ၁၆၀၀ အထက်သို့ ပထမဆုံးအကြိမ် ရောက်ရှိသွားခဲ့သည်။
ဇူလိုင်လ ၁၈ ရက်နေ့က လန်ဒန် ကုန်စည်ဈေးကွက်တွင် ရွှေတစ်အောင်စ ၁၆၀၀ ဒသမ ၁ ဒေါ်လာ အထိ ခုန်တက်သွားခဲ့သည်။ ကြွေးမြီ အကျပ်အတည်းနှင့် ကျပ်တည်း၍ နိုင်ငံရေးသမားများ ကိုင်တွယ်နိုင်စွမ်း အပေါ် ယုံကြည်မှု လျော့ကျလာသောကြောင့် ရင်းနှီးမြှုပ်နှံ သူများသည် ရွှေကို ယုံကြည် စိတ်ချရသော ရင်းနှီးမြှုပ်နှံမှု အဖြစ် ၀ယ်ယူလာကြကြောင်းမှ ဈေးကွက်ကျွမ်းကျင်သူ မိုက်ကယ်လျူဆန်က ပြောကြားခဲ့သည်။ ယူရိုငွေကြေး သုံးစွဲသော နိုင်ငံများသည် ကြွေးမြီ အကျပ်အတည်းကို ဖြေရှင်းရန် ယခုတစ်ပတ် အတွင်း ထိပ်သီး ဆွေးနွေးပွဲ ကျင်းပမည် ဖြစ်သည်။ ဂရိ ကြွေးမြီ အကျပ်အတည်းကြောင့် ယူရိုငွေကြေး သုံးစွဲသော နိုင်ငံများ စီးပွားရေး ကျပ်တည်း လာမည်ကို စိုးရိမ်နေကြရသည်။ တစ်ချိန်တည်းမှာပင် အမေရိကန် နိုင်ငံရေး သမားများက အစိုးရ ကြွေးမြီ လျော့ချရေး အတွက် အသုံးစရိတ် ဒေါ်လာ ၁ ဒသမ ၅ ထရီလျံ လျော့ချမည့် သမ္မတ အိုဘားမား၏ အစီအစဉ်ကို အကြိတ်အနယ် ဆွေးနွေးနေကြသည်။ ဧပြီလ ၂၉ ရက်နေ့က တစ်အောင်စ ၁၅၆၃ ဒသမ ၇ ဒေါ်လာထိ စံချိန်တင်ခဲ့ပြီး စံချိန်သစ် ထပ်တင်ခဲ့သော ရွှေဈေးသည် တစ်အောင်စ ၁၇၀၀ ဒေါ်လာထိ ရောက်ရှိနိုင်ကြောင်း GoldCore က ခန့်မှန်းခဲ့သည်။
0 comments:
Post a Comment
မှတ်ချက်များကို စိစစ်ပြီးမှ ဖော်ပြပေးမည် ဖြစ်ပါသဖြင့် ဤစာမျက်နှာပေါ်မှာ ချက်ချင်း မြင်ရမည်မဟုတ်ပါ။ မကြာခင် နောက်တခါ ပြန်လာပြီး မိမိ၏ မှတ်ချက်ကို ပြန်ကြည့်ပါရန် မေတ္တာရပ်ခံပါသည်။