ကမ္ဘာ့ဈေးအချိုဆုံးကား 'နာနို'ကို ထုတ်လုပ်ခဲ့သော အိန္ဒိယကုမ္ပဏီ တာတာ လုပ်ငန်းစုက ဒေါ်လာ ၇၀၀ သာ တန်ဖိုးရှိသော အိမ်များကို ရောင်းချသွားမည်ဟု ဇူလိုင်လ ၁၇ ရက်နေ့တွင် ကြေညာခဲ့သည်။
ကြိုတင် တည်ဆောက်ထားပြီး အသင့် တပ်ဆင်နိုင်သော စနစ်ဖြင့် ဆောက်လုပ်ထားသည့် pre-fabricated အိမ်များကို တစ်ပတ်အတွင်း တည်ဆောက်နိုင်မည် ဖြစ်ပြီး တံခါးများ၊ ပြတင်းပေါက်များနှင့် အမိုး ပါဝင်မည် ဖြစ်သည်။ ''အသုံးပြုမယ့်သူနဲ့ ဆွေးနွေးမှုတွေအပေါ် အခြေခံထားပြီး မတူတဲ့ ဒီဇိုင်းနှစ်မျိုး၊ သုံးမျိုးလောက် ပြင်ဆင်ထားပါတယ်။ တုံ့ပြန်မှုတွေ ထပ်ပြီးတော့ စုဆောင်းနေပါတယ်''ဟု တာတာ၏ စီမံကိန်း ဥက္ကဋ္ဌ ဆူမီဒက်က ဟိုက်ဒရာဘတ်တွင် သတင်းထောက်များကို ပြောကြားခဲ့သည်။
လာမည့် ၆ လမှ ၈ လ အတွင်း အိန္ဒိယဈေးကွက် အတွင်း ဖြန့်ဖြူးသွားနိုင်မည်ဟု ၎င်းက ထပ်မံ ပြောကြားခဲ့သည်။ ၂၀ စတုရန်းမီတာ(၂၁၅ စတုရန်းပေ) အတွင်း တည်ဆောက်နိုင်သည့် ''နာနို'' အိမ်တစ်လုံး အတွက် ရူးပီး ၃၂၀၀၀ (ဒေါ်လာ ၇၂၀) ကုန်ကျမည် ဖြစ်ပြီး နံရံနှင့် အတွင်းပိုင်းများကို အုန်းမျှင်များဖြင့် အသုံးပြုသွားမည် ဖြစ်ကာ အိမ်၏သက်တမ်းမှာ နှစ် ၂၀ ရှိမည် ဖြစ်သည်။ အနောက်ဘင်ဂေါ ပြည်နယ်တွင် စမ်းသပ် တည်ဆောက် ပြီးစီးသွားသော ထိုအိမ်များကို စတုရန်း မီတာ ၃၀ အတွင်း တည်ဆောက်နိုင် အရွယ်အစားဖြင့်လည်း ရရှိမည် ဖြစ်ကာ ဆိုလာ အမိုးပြားများ၊ ၀ရန်တာများ ထပ်မံ တပ်ဆင်နိုင်မည် ဖြစ်သည်။
အိန္ဒိယတွင် သန်းပေါင်းများစွာ ရှိနေသော အိုးမဲ့အိမ်မဲ့များ အတွက် လူနေအိမ် စီမံကိန်းများ ဆောင်ရွက်နေသော ပြည်နယ် အစိုးရများသို့လည်း ရောင်းချသွားမည် ဖြစ်ပြီး လူပုဂ္ဂိုလ် တစ်ဦးချင်းစီကိုလည်း ရောင်းချရန် တာတာက မျှော်လင့်ထားသည်။
၂၀၀၉ ခုနှစ်က စတင် ပြသခဲ့သော တာတာ၏ နာနိုကားသည် ကမ္ဘာတစ်ဝန်း စိတ်ဝင်စားမှု ရရှိခဲ့ပြီး ထုတ်လုပ်မှုဆိုင်ရာ နှောင့်နှေးမှုများနှင့် အန္တရာယ် ကင်းရှင်းရေး ပြဿနာများကြောင့် ရောင်းအားမှာ ရည်မှန်းချက်ကို မပြည့်မီသေးပေ။
0 comments:
Post a Comment
မှတ်ချက်များကို စိစစ်ပြီးမှ ဖော်ပြပေးမည် ဖြစ်ပါသဖြင့် ဤစာမျက်နှာပေါ်မှာ ချက်ချင်း မြင်ရမည်မဟုတ်ပါ။ မကြာခင် နောက်တခါ ပြန်လာပြီး မိမိ၏ မှတ်ချက်ကို ပြန်ကြည့်ပါရန် မေတ္တာရပ်ခံပါသည်။