Layers in CS2

PhotoShop CS2 ရဲ့ Layer များအကြောင်းကို အရင် Version အဟောင်းများနဲ့ နှိုင်းယှဉ်ကြည့်ရအောင်။ Layers တွေကိုကျွမ်းကျင်စွာ ကိုင်တွယ်တတ်မှသာ PhotoShop နဲ့အလုပ်လုပ်ရာမှာအဆင်ပြေမှာပါ။ CS2 မှာအရင် Version အဟောင်းများနဲ့မတူတဲ့ Feature တချို့ရှိပါတယ် အဲဒါတွေကို အဓိကထားပြောချင် ပါတယ်။

Selecting (Activating) layers

Layer တွေကို Activate (select) လုပ်တဲ့အခါမှာ အခု Active ဖြစ်နေတဲ့ Layer ရဲ့ အပေါ်ကို Layer ကို Select လုပ်ချင်ရင် Alt + ] key ကိုနှိပ်ပြီးသွားရပါတယ်။ Current Layer ရဲ့အောက်က Layer ကိုဆိုရင်တော့ Alt + [ ကိုနှိပ်ရပါတယ်။ ဒါတွေကတော့ အရင် version တွေမှာထဲ ကပါပါတယ်။ အပေါ်ဆုံး Layer ကို Active ဖြစ်ချင်ရင်တော့ Alt + . (period key) နဲ့ အောက်ဆုံးက Layer ဆိုရင်တော့ Alt + , (comma key)ကိုနှိပ်ရမှာပါ။

Layer တွေအားလုံးကို Select လုပ်ချင်ရင်တော့ Select> All Layers ကိုသုံးရမှာပါ။ အကယ်၍ ဆင်တူတဲ့ Layer တွေကိုပဲ Select လုပ်ချင် တယ် (ဥပမာ Shape Layer တွေအားလုံး၊ Adjustment Layer တွေအားလုံး) ဆိုရင်တော့ Layer Palette မှာ မိမိ Select လုပ်ချင်တဲ့ Layer တစ်ခုကို Right click နှိပ်ပြီး ပေါ်လာတဲ့ Menu ကနေ Select Similar Layers ကိုရွေးပေးရုံပါပဲ။

Making Marquee Selection of Layer

အရင် version တွေတုန်းက Layer တစ်ခုလုံးကို Marquee Selection လိုချင်ရင် Layer palette မှာလိုချင်တဲ့ Layer ကို Ctrl + Click လုပ်လိုက်ရုံနဲ့ရပါတယ်။ CS2 မှာတော့ အဲဒီလိုမဟုတ်တော့ပါဘူး Layer ရဲ့ thumbnail view ပေါ်တဲ့နေရာကို Ctrl + Click နှိပ်မှရပါတယ်။ အခုအောက်မှာပြထားတဲ့ပုံနဲ့ကြည့်ရင် Layer palette မှာ blue ဆိုတဲ့စာသားနေရာနားမှာ သွားပြီး Ctrl + Click လုပ်လို့မရတော့ပါဘူး၊ အပြာရောင် thumbnail လေးပေါ်တဲ့နေရာ (အနီရောင်စက်ဝိုင်းအတွင်း) ကိုနှိပ်ရမှာပါ။

Selecting Multiple Layers and Grouping
Layer တွေကိုအုပ်စုဖွဲ့ထားချင်ရင်တော့ အရင် Version တွေမှာ Layer Set ဆိုတာကိုသုံးပါတယ်။ CS2 မှာတော့ Layer Group ဆိုပြီးသုံးထား ပါတယ် Layer Palette ရဲ့အောက်ခြေက ပဉ္စမမြောက်ခလုပ်လေးပါ။ သူတို့တွေရဲ့အသုံးဝင်ပုံ တွေကတော့ Layer တွေအများကြီးဖြစ်နေတဲ့အခါ သက်ဆိုင်ရာ Layer တွေကို တစ်စုထဲဖြစ်အောင်လုပ်ပေးကြတာပါ။ Layer Group ကိုအသုံးပြုချင်ရင်တော့ အဲဒီ Group ထဲမှာပါမယ့် Layer တွေကိုအရင် Select လုပ်ပေးရပါမယ်။ အခုမြင်နေရတဲ့ blue, red, yellow ဆိုတဲ့ Layer သုံးခုစလုံးကို Select လုပ်မယ်ဆိုပါတော့ အရင်ဆုံး blue ကို Click လုပ်ပါမယ်၊ ပြီးရင် yellow layer ကို Shift key တွဲပြီးနှိပ်လိုက်ရုံပါပဲ၊ အပေါ်ဆုံး blue Layer ကနေ yellow layer အထိလို့ ဆိုလိုက်တာပါ။

တကယ်လို့ Layer တွေကို အစဉ်လိုက်မဟုတ်ပဲ မိမိစိတ်ကြိုက်အတိုင်း Select or Deselect လုပ်ချင်ရင်တော့ Ctrl နဲ့တွဲနှိပ်ရုံပါပဲ (Windows Explorer / My computer မှာ File တွေကို Select လုပ်ပုံနဲ့ဆင်တူပါတယ်)။ ပြီးရင်တော့ Select ဖြစ်နေတဲ့ Layer ၃ခုစလုံးကို Layer Palette အောက်ခြေ ပဉ္စမမြောက်က Create a new group ဆိုတဲ့ နေရာလေးဆီကို Drag လုပ်သွားရုံပါပဲ။ ဒါဆိုရင် Layer ၃ခုအစား Group1 ဆိုပြီး တွေ့ရမှာပါ။ အဲဒီ Group1 ဆိုတဲ့ Folder icon ဘယ်ဘက်က Triangle လေးကိုနှိပ်ခြင်းဖြင့် Layer တွေကိုပြန်တွေရမှာပါ၊ အဲဒီ Triangle ကိုပဲနောက်တစ်ချက် Click ရင်တော့ ပြန်ချုံ့သွားမှာပါ။ Layer တွေကို Layer Group ထဲထည့်တာ Group ထဲကနေပြန်ထုတ်တာကတော့ အရင် version ပုံစံအတိုင်းပါပဲ။

Locking / Unlocking layers
Layers တွေကို Lock လုပ်ချင်ရင်တော့ မိမိ Lock လုပ်လိုတဲ့ Layer များကိုရွေးပါ၊ ပြီးရင် Layer> Lock Layers ကိုရွေးလိုက်ရင် Dialog တစ်ခု ကိုတွေ့ရမှာပါ။ အဲဒီမှာ Lock ချချင်တဲ့ Option တွေကိုရွေးပြီး Ok ပေးလိုက်ရုံပါပဲ။

Unlock လုပ်ချင်ရင်လဲ ဒီလိုပါပဲ Layer> Lock Layers ကိုသွားပြီး Check box တွေကို uncheck လုပ်ပြီး Ok နှိပ်ပေးလိုက်ပါ။ Layer တစ်ခုထဲ ကို Lock ချတာကတော့ အရင် Version များနဲ့အတူတူပါပဲ အထူးပြောနေစရာမလိုပါဘူး၊ Layer Palette ရဲ့ အပေါ်နားလေးမှာ Lock button လေးတွေရှိပါတယ်။

Linking / Unlinking Layers
CS2 ရဲ့ Layer palette မှာ Link column လေးပါမလာတော့တာကိုသတိထားမိမှာပါ၊ ဒါကြောင့် Layer တွေ Link ချိတ်ချင်တဲ့အခါ Link ချိတ်လို တဲ့ Layers တွေကိုအရင် Select လုပ်ပါမယ် ပြီးရင် Layer palette ရဲ့အောက်ခြေက ပထမဆုံး Link icon လေးကို နှိပ်ပေးပါ။ ဒါဆိုရင် Select လုပ်ထားတဲ့ Layer တွေဟာ Link ဖြစ်သွားပါပြီ။ Unlink ပြန်လုပ်ချင်ရင်တော့ အဲဒီ Link icon ကိုပဲထပ်နှိပ်ရုံပါပဲ Link ပြုတ်သွားပါလိမ့်မယ်။

Link ချိတ်ထားတဲ့ Layer တွေကို Merge လုပ်ချင်ရင်တော့ အရင် Layer> Merge Linked menu အစား Layer> Merge Layers ကိုအသုံးပြု ထားပါတယ်။ ဒီ Merge Layers menu ဟာ Layer တွေ Link ချိတ်ထားဖို့ မလိုပါဘူး Select ဖြစ်နေရုံနဲ့တင်အလုပ်လုပ်ပါတယ်။