မိုးသည်းထန်စွာ ရွာသွန်းမှုကြောင့် ယိုချောင်းရေမြင့်တက်လာကာ မောင်တောမြို့နယ်ရှိ လယ်မြေအချို့
ရေလွှမ်းခဲ့စဉ် (ဓာတ်ပုံ-သားရွှေဦး၊ ကစ္ဆပ)
မြန်မာနိုင်ငံတွင် မြစ်ရေကြီးခြင်းကို ကာလသုံးခု ပိုင်းခြားထားပြီး မိုးဦးကာလ ဇွန်လမှာ ပထမကာလ၊ မိုးလယ်ကာလ ဇူလိုင်နှင့် သြဂုတ်လ များမှာ ဒုတိယကာလ၊ မိုးနှောင်းကာလ စက်တင်ဘာလမှာ တတိယကာလ တို့ဖြစ်ပြီး လက်ရှိအချိန်သည် မြစ်ရေကြီးမှု ဒုတိယကာလသို့ ရောက်ရှိနေသည်ဟု သိရှိရသည်။
မိုးသည်းထန်ခဲ့သဖြင့် ကျုံပျော်မြို့နယ်ရှိ လယ်မြေများရေလွှမ်းနေစဉ် (ဓာတ်ပုံ-အောင်ကျော်မျိုး၊ ဟင်္သာတ)
ယခုလက်ရှိ မိုးလယ်ကာလတွင်လည်း မြစ်ရေကြီးမှုများကို ကြုံတွေ့လာရပြီး၂၀၁၁ ခုနှစ် ဇူလိုင်လ ၂၁ရက် နေ့တွင် င၀န်မြစ်၊ သံလွင်မြစ်၊ ချင်းတွင်းမြစ်တို့နှင့် ပတ်သက်၍ မိုးလေ၀သနှင့် ဇလဗေဒ ညွှန်ကြားမှု ဦးစီးဌာနမှ မြစ်ရေကြီးခြင်း သတိပေးချက်များ ထုတ်ပြန်ခဲ့သည်။
ကလေးဝမြို့တွင်း တစ်နေရာကို ဇူလိုင်လ ၂၃ ရက်နေ့ မွန်းလွဲပိုင်းက တွေ့ရစဉ် (ဓာတ်ပုံ-အောင်သူထွန်း၊ ကလေးမြို့)
“ချင်းတွင်းမြစ်မှာ မော်လိုက်နဲ့ ကလေးဝမှာ စိုးရိမ်ရေမှတ်ကို ကျော်လွန်နေပြီး မြစ်ရေကြီးခြင်း သတိပေးချက်အနေနဲ့ ထုတ်ပြန်ထားပါတယ်” ဟု မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ တာဝန်ရှိသူတစ်ဦးက ဇူလိုင် လ ၂၂ ရက်နေ့က ပြောပါသည်။
ချင်းတွင်းမြစ်ရေကြီး၍ မြစ်ကမ်းတစ်လျှောက် ပြင်ဆင်
ချင်းတွင်းမြစ်တွင် အထက်ချင်းတွင်း ဒေသများ၌ မိုးကောင်း၍ ချင်းတွင်းမြစ်ကမ်းနံဘေးရှိ ရေ၀င်ဒေသများ၌ ပြင်ဆင်မှုများ ပြုလုပ်လာကြသည်။
“ဇူလိုင်လ ၂၂ ရက် မနက် ၄ နာရီလောက်မှာ ရွာထဲကို ရေတွေဝင်လာတယ်။ ရေက အတိုးကြမ်းတယ်။ ရေ၀င်တဲ့အိမ်တွေက လူတွေလည်း ရေလွတ်တဲ့တောပိုင်း၊ အမြင့်ပိုင်းတွေကို ပြောင်းရွှေ့ကြတယ်”ဟု ဆားလင်းကြီးမြို့ နယ် ရွှေလှေရွာနေ ကိုထွန်းနိုင်က ပြောပါသည်။
ချင်းတွင်းမြစ်ရေ စိုးရိမ်ရေမှတ်သို့ ရောက်ရှိလာသည့် အတွက် မုံရွာမြို့မှ အထက်ချင်းတွင်း ဒေသများဖြစ်သည့် ကလေးဝ၊ မော်လိုက်၊ ဖောင်းပြင်၊ ဟုမ္မလင်းဒေသများသို့ ပြေးဆွဲသော အမြန်ရေယာဉ် ရှော်တယ်ခရီးစဉ်များ ကို ဇူလိုင်လ ၂၂ ရက်နေ့မှ စတင် ရပ်နားထားသည်။
“ခရီးသည်တွေ လက်မှတ်ဝယ်ထားတာ ငွေပြန်အမ်းပါတယ်”ဟု မုံရွာမြို့မှ ရှော်တယ်ပိုင်ရှင်တစ်ဦးက ပြောပြခဲ့သည်။
“မနှစ်က ဒီလို ရေမလာဘူး။ ဒီနှစ် ဇူလိုင်လ ၂၂ မနက်မှာ ရေအတိုးကြမ်းတယ်။ အခုရေ၀င်တော့ သိမ်းလက်စ စပါးတွေ၊ ရိတ်တော့မယ့် နှမ်းခင်းတွေ ရေ၀င်တယ်။ စောစောရိတ်သိမ်းတဲ့ သူတွေတော့ လွတ်တာပေါ့”ဟု ချင်းတွင်းမြစ် အနောက်ဘက်ကမ်း နေသူ တစ်ဦးက ပြောကြားသည်။
ချင်းတွင်းမြစ်ရေသည် ဇူလိုင်လ ၂၃ ရက်နေ့တွင် ခန္တီးမြို့၌ စိုးရိမ်ရေ အမှတ် အောက်ကျဆင်းလာခဲ့ပြီး ဟုမ္မလင်းမြို့၊ မော်လိုက်မြို့နှင့် ကလေးဝမြို့တို့တွင် စိုးရိမ်ရေမှတ်များ အထက်၌ ဆက်လက်ရှိနေသည်။
“မြို့အ၀င်တစ်နေရာနဲ့ လျှပ်စစ်ရုံးနဲ့ ရဲစခန်းကြားစတဲ့ အနိမ့်ပိုင်းတွေမှာ လမ်းပေါ်မှာရေက နှစ်ပေကနေ လေးပေလောက်အထိ ရှိပါတယ်”ဟု ကလေးဝ မြို့ခံတစ်ဦးက ဆိုပါသည်။
သံလွင်မြစ်အနီး အမှတ်(၂)ရပ်ကွက်မြေနိမ့်ပိုင်းတွင် သံလွင်မြစ်ရေနှင့် တစ်ဆက်တည်းရှိနေပုံကို တွေ့ရစဉ် (ဓာတ်ပုံ-စိုးစိုး၊ ဘားအံ)
ပဲခူးမြို့ပေါ်အထိ မြစ်ရေ၀င်
ပဲခူးမြစ်ရေသည် ၂၀၁၁ ခုနှစ် ဇူလိုင်လ ၂၀ ရက်နေ့မှစ၍ မြင့်တက်လာခဲ့ပြီး ပဲခူးမြို့ပေါ်ရှိ ရပ်ကွက်အချို့ တွင် မြစ်ရေ၀င်ရောက်မှုများ ဖြစ်ပေါ်လျက်ရှိကာ လှေများဖြင့် သွားလာနေ ကြရသည်။
ပဲခူးမြစ်ဖျားပိုင်းရှိ ပဲခူးရိုးမဒေသတွင် မိုးသည်းထန်စွာ ရွာသွန်းမှုများကြောင့် ပဲခူးမြစ်ရေ ရုတ်တရက်ပြန်လည် မြင့်တက်ခဲ့ခြင်း ဖြစ်သည်။
ပဲခူးမြစ်ရေသည် ပထမအကြိမ် အဖြစ် ဇူလိုင်လ ၁၅ ရက်နေ့က မြင့် တက်ခဲ့ပြီး ဒုတိယအကြိမ် မြစ်ရေကြီးမှုတွင် ဇူလိုင်လ ၂၁ ရက်နေ့ နံနက် ၈ နာရီခွဲခန့်၌ ၈၅၄ စင်တီမီတာသို့ ရောက်ရှိခဲ့သည်။ ပဲခူးမြို့နှင့် ပတ်ဝန်းကျင်ဒေသများမှ အနိမ့်ပိုင်းဒေသများ ရေလွှမ်းနေကြောင်း သိရသည်။
ဇူလိုင်လ ၂၃ ရက်နေ့ ညနေပိုင်းတွင် မြစ်ရေသည် စိုးရိမ်ရေမှတ် ၉၁၀ စင်တီမီတာကို စ၍ ရောက်ရှိခဲ့သည်။ ကယ်ဆယ်ရေးစခန်းကို မဇင်း ရပ်ကွက် ရန်ကုန်-မန္တလေး အဝေးပြေး ကားလမ်းမဘေး အနောက်ရွှေနံ့သာ ကျောင်းတိုက်တွင် ဖွင့်လှစ်ထားပြီး ကျောက်ကြီးစုရပ်ကွက်၊ ရွာသစ် မူလ တန်းကျောင်းများ၊ ဘုန်းကြီးကျောင်းများ၌ ယာယီပြောင်းရွှေ့နေထိုင်မှုများ လည်းရှိနေသည်။
မိုးသည်းထန်စွာ ရွာသွန်းခဲ့ပြီးနောက် မြင်တွေ့ရသော စစ်တွေမြို့တွင်းတစ်နေရာ (ဓာတ်ပုံ-သန်းလှိုင်၊ စစ်တွေ)
ဇူလိုင်လ ၂၁ ရက်နေ့ ညနေ ၆ နာရီခွဲ၌ တိုင်းထွာချက်အရ သံလွင်မြစ်ရေသည် ဘားအံမြို့တွင် စိုးရိမ်ရေမှတ်ထက် ကျော်လွန်ပြီး ၈၁၆ စင်တီမီတာသို့ ရောက်ရှိနေကာ မြစ်ရေရောက်ရှိရာ ဘားအံမြို့ မြေနိမ့်ရပ်ကွက် အချို့တွင် ရေ၀င်နစ်မြုပ်မှု ဖြစ်ပေါ်လျက် ရှိသည်။
ဘားအံမြို့ မြေနိမ့်ရပ်ကွက်များဖြစ်သည့် အမှတ်(၁)ရပ်ကွက်(အုတ် ဖိုတန်း)၊ အမှတ်(၂)ရပ်ကွက် ဆယ်အိမ်စု၊ အမှတ်(၅)ရပ်ကွက်၊ ရော်ဘာ ခြံ(၄) လမ်းနှင့် အောင်နန်၊ မင်္ဂလာ(၄) လမ်းတို့တွင် မိုးရွာသွန်းမှု များပြားခဲ့ခြင်းကြောင့် ရေတင်ရေ၀ပ်လျက်ရှိရာမှ ဇူလိုင်လ ၂၁ ရက်နေ့ ည ၁၂ နာရီကျော်ခန့်တွင် သံလွင်မြစ်ရေနှင့် တစ်ဆက်တစ်စပ်တည်း ဖြစ်ပေါ်လာခဲ့ပြီး ရေ၀င်နစ်မြုပ်မှုဖြစ်ပေါ်ခဲ့ကာ လူနေအိမ် အချို့ပြောင်းရွှေ့မှုများရှိ ခဲ့သည်။
ဇူလိုင်လ ၂၁ ရက်နေ့ ညဦးပိုင်း မှစတင်၍ တရိပ်ရိပ်ထိုးတက်လာသော မြေနိမ့်ရပ်ဝန်း မြစ်ရေလွှမ်းမိုးရာ ရပ်ကွက်များ၌ ရေကင်းအဖွဲ့များကို စနစ်တကျ ချထားစောင့်ကြည့်လျက်ရှိနေကာ ရေဘေးဒုက္ခသည် ကယ်ဆယ်ရေးစခန်းများကို ဖွင့်လှစ်ထားပြီး မြစ်ရေကြီးမှု ကြိုတင်ကာကွယ် တားဆီးရေးကို လုပ်ဆောင်ပေးလျက် ရှိသည်ဟုလည်း သိရှိရသည်။
“အခု ညနေပိုင်းမှာ မြစ်ရေက ၈၅၈ စင်တီမီတာရှိတယ်လို့ သိရပါ တယ်”ဟု ဘားအံမြို့ခံတစ်ဦးက ဇူလိုင်လ ၂၃ ရက်နေ့က ပြောကြားခဲ့ပါ သည်။
မိုးများ၍ ဟင်္သာတတွင် ရေကြီး ရေလျှံမှုများ ဖြစ်ပေါ်လာ
ဧရာဝတီတိုင်းဒေသကြီး ဟင်္သာတမြို့တွင် ဇူလိုင်လ ၁၉ ရက်နေ့ည ၉ နာရီအချိန်မှ စတင်ရွာသွန်းခဲ့သော မိုးမှာ ၂၀ ရက်နေ့တိုင်အောင် ဆက်လက်ရွာသွန်းနေပြီး မိုးသည်းထန်မှုကြောင့် မြို့ပေါ်ရပ်ကွက်များနှင့် ကျေးရွာများတွင် ရေကြီးမှုများ ဖြစ်ပေါ်ခဲ့ကြောင်း သိရှိရသည်။
“မိုးကမရပ်သေးဘဲ ဆက်ရွာနေလို့ ရပ်ကွက်တွေမှာ လမ်းတွေရေမြုပ် တာတွေ၊ အိမ်တွေထဲ ရေ၀င်တာတွေဖြစ်လို့ သွားလာရ ခက်ခဲနေပါတယ်။ ဟင်္သာတမြို့လယ်က ဈေးကြီးရှေ့ လမ်းမကြီးမှာလည်း ရေတွေပြည့်နေပြီး ဆိုင်ခန်းတွေရော ပိတ်ထားရပါတယ်။ ရုံးကြီးရပ်မှာလည်း ရေတွေများတယ်” ဟု မြို့ခံဆိုင်ပိုင်ရှင်တစ်ဦးက ပြောသည်။
“ဆေးရုံကြီးရှိတဲ့ ရပ်ကွက်မှာရော၊ လမ်းမကြီးမှာရော ရေတွေများ ပါတယ်။ ဆေးရုံနေရာက မြေမြင့်တော့ ရေ၀င်တာမျိုးတော့ မရှိပါဘူး။ ဆရာဝန် အိမ်ရာတွေတော့ ရေ၀င်ပါ တယ်။ အဲဒါကြောင့် ဆရာဝန်တွေ ဆေးရုံပေါ်မှာသွားပြီးနေခဲ့ရပါတယ်”ဟု ဟင်္သာတခရိုင် ဆေးရုံကြီးဝင်းအတွင်း နေထိုင်သူတစ်ဦးက ပြောကြားပါသည်။
ဟင်္သာတမြို့နယ် အတွင်းရှိ ဒူးယားကျေးရွာမှ လယ်စိုက်တောင်သူ တစ်ဦးကလည်း ”မိုးကများတော့ မနေ့ ညကတည်းက မြုပ်တဲ့လယ်တွေမြုပ်နေတယ်။ ဒီနေ့ ၂၀ ရက်နေ့ဆို လယ်တွေတော်တော်များများ ရေမြုပ်ပါတယ်။ မိုးကရက်ရှည်ရင်တော့ စပါးပင်တွေ ပျက်စီးမှာကို စိုးရိမ်ရပါတယ်”ဟု ပြော ပြသည်။
ဟင်္သာတမြို့နယ် ဒူးယားတိုက်နယ်အတွင်းရှိ ကျေးရွာများ၌ ရေလျှံ မှုဖြစ်ပွားခဲ့ပြီး လယ်ကွင်းများ ရေမြုပ်ခဲ့ကြောင်း သိရှိရသည်။ “ပျိုးနာကျတုန်းက ပျိုးသီးထပ်မရှိတော့လို့ ကြိတ်ဖို့ထားထားတဲ့ စပါးတွေထဲက ပြန်ယူပြီး ပျိုးရပါတယ်။ ပျိုးထောင်ရက်က ၂၈ ရက်လောက် ထားရတယ်။ အခုမိုးများ တော့ ၁၅ရက်သားလောက်တောင် မရောက်သေးဘူး။ မြေမစွဲခင်မှာလယ်ထဲ ရေ၀ပ်ခဲ့တယ်။ ဘာလုပ်ရမှန်းတောင် မသိတော့ဘူး”ဟု ဒူးယားတိုက်နယ်မှ တောင်သူဦးမင်းအောင်က ပြောပါသည်။
“ကျွန်တော်တို့ ကွင်းဆင်းလေ့လာတုန်းက ဒူးယားမြို့နယ်မှာ ဧက ၉၀၀ ရေလွှမ်းခဲ့ပါတယ်။ ဒီလ မကုန်ခင်မှာတော့ ပင်သေပင်ပျောက်တွေကို ပြန်ဖာနိုင်မှာမို့ မစိုးရိမ်ရပါဘူး။ မိုးက ဆက်ရွာပြီး သြဂုတ်လလောက်မှ မိုးရပ်မယ်ဆိုရင် အနှံတည်တဲ့အချိန်မို့ အဆင်မပြေနိုင်ပါဘူး။ လယ်သမား တွေကိုလည်း ပျိုးပင်တွေရှိသေးရင် ချန်ထားဖို့ ပြောထားပါတယ်”ဟု မြန်မာ့စိုက်ပျိုးရေးလုပ်ငန်း ဒူးယားစခန်း တာဝန်ခံ ကိုဝင်းဇော်က ပြောပါသည်။
“မြို့လယ်မှာရှိတဲ့ စာသင်ကျောင်းတွေ ပိတ်ထားရပါတယ်။ ခရိုင်အုပ်ချုပ်ရေးမှူးရဲ့ ညွှန်ကြားချက်နဲ့ ရပ်ကွက်ထဲက ကျောင်းတွေရဲ့ အခြေအနေကို လိုက်ကြည့်နေပါတယ်။ ရေများရင်တော့ ကလေးတွေကို ကျောင်းပိတ်ပေးမှာပါ” ဟု ရပ်ကွက် အုပ်ချုပ်ရေးမှူးတစ်ဦးက ဆိုသည်။
ဇူလိုင်လ ၂၀ရက်နေ့ည မိုးလေ၀သနှင့် ဇလဗေဒဦးစီးဌာနမှ ထုတ်ပြန်ချက်အရ ဟင်္သာတမြို့ ဂေါက်ကလပ်အနီး၌ မိုးရေချိန် ၉ ဒသမ ၀၂ လက်မ၊ ဟင်္သာတမြို့တွင် ၈ ဒသမ ၆၆ လက်မ ဖြင့် ၂၅ နှစ်အတွင်း စံချိန်သစ်တင်ခဲ့ကြောင်း သိရသည်။
ရခိုင်ပြည်နယ်၌လည်း မိုးကောင်းပြီး ရေကြီးရေလျှံ
ဇူလိုင်လ တတိယပတ်အတွင်းက ရွာသွန်းခဲ့သောမိုးကြောင့် စစ်တွေနှင့် အခြားမြို့များတွင်လည်း လမ်းမများပေါ် ၌ ရေပြည့်လျှံခြင်းများ ဖြစ်ပေါ်ခဲ့ပြီး မင်းပြားမြို့တွင် မြို့တွင်း၌ပင် လှေဖြင့် သွားလာခဲ့ရကြောင်း သိရှိရသည်။
ယင်းသို့ မိုးများခြင်းကြောင့် မြို့နယ်အသီးသီးရှိ အချို့သော ရပ်ကွက်များတွင် ပုံမှန်ထက်မြင့်သော ရေတက်လာခဲ့ ခြင်းများရှိခဲ့ပြီး ပျက်စီးဆုံးရှုံးမှု နည်းပါးခဲ့သည်။
ရခိုင်ပြည်နယ် ကမ်းရိုးတန်းမြို့များတွင် ဇူလိုင်လ ၂၁ ရက်က စံချိန်တင် မိုးရွာသွန်းခဲ့သဖြင့် မြို့ရွာများရေ လွှမ်းဒဏ်ကို ခံခဲ့ရကြောင်း သတင်းရရှိသည်။ အဆိုပါ စံချန်တင် မိုးရွာသွန်းခဲ့သော မြို့များမှာ တောင်ကုတ်မြို့တွင် ၇၃၉ မီလီမီတာ ၂၉.၁၀ လက်မ ရွာသွန်းခဲ့ပြီး ၁၅ နှစ်အတွင်း မိုးရွာသွန်းမှု အများဆုံးဖြစ်သ
ဧရာဝတီတိုင်း ဒေသကြီးက လယ်မြေအချို့ ရေလွှမ်း
ဇူလိုင်လ ၁၈ ရက်နေ့မှ စတင်ပြီး အဆက်မပြတ် ရွာသွန်းခဲ့သော မိုးကြောင့် အနောက်ရိုးမတောင်မှ စီးဆင်းခဲ့သည့် တောင်ကျရေများသည် တောင်ခြေနှင့် မိုင် ၂၀ ခန့်ကွာဝေးသည့် င၀န်မြစ် အတွင်း စီးဆင်းရာရေ စီးရာတစ်လျှောက် ရှိကျေးရွာများနှင့် လယ်မြေများနုန်း မြေများဖုံးလွှမ်းမှုများ ဖြစ်ပေါ်ခဲ့သည်။
“ဒီတစ်ခါရေကြီးတာနဲ့ဆိုရင် ဒီနှစ်အတွင်းမှာ သုံးခါရှိပြီ။ အခုနောက်ဆုံးအကြိမ်က အဆိုးဆုံးပဲ။ ပျိုးထောင်ပြီး ပြန်စိုက်တာလည်း နှစ်ခါရှိပြီ။ အခုကတော့ လယ်ကွင်းတွေထဲမှာ ရေတင်မကဘူး။ တောင်ရေနဲ့ အတူပါလာတဲ့ နုန်းတွေကကန်သင်းရိုးနဲ့ တစ်ညီတည်း ဖြစ်နေတယ်။ ဆင်းလိုက်ရင်ဒူးလောက် အထိရှိတယ်။ ပျိုးပင်တွေကော စိုက်ပြီးသားတွေကော နုန်းပိနေတော့ ဘာဆက်လုပ်ရမယ်ဆိုတာ စဉ်းစားနေတုန်းပဲ” ဟု ရသာကြီးကျေးရွာမှ တောင်သူ ဦးကံထွန်းက ပြောပြသည်။
မိုးရွာသွန်းမှုများကြောင့် ဧရာဝတီတိုင်း ဒေသကြီးအတွင်းရှိ ပုသိမ်-မုံရွာကားလမ်းမကြီး ရေနံ့သာလမ်းဆုံ ၀န်းကျင်မှ ကွင်းကောက်မြို့ဝန်းကျင် အထိ(မိုင်၃၀)၊ ရိုးမတစ်လျှောက် ရေကြည်မြို့နယ်၊ လေးမျက်နှာမြို့နယ်၊ အင်္ဂပူမြို့နယ်များရှိ ကျေးရွာအချို့တွင် အလားတူဖြစ်ပွားမှုများ ပေါ်ပေါက်ခဲ့သည်။ အဆိုပါကျေးရွာများသို့ ဇူလိုင် လ ၂၀ ရက်နေ့တွင်ရေများ စတင်ဝင် ရောက်ခဲ့ပြီးဇူလိုင်လ ၂၂ ရက်နေ့တွင် ရေပြန်လည်ကျဆင်းသွားသည်။တောင် ကျရေစီးဆင်းမှုကြောင့် လယ်မြေဧက တစ်ထောင်ဝန်းကျင်ခန့် နုန်းနှင့် အမှိုက်သရိုက်များ ၀င်ရောက်မှုရှိကြောင်း သိရှိရသည်။
“ဇူလိုင်လ ၁၈ ရက် နေ့မွန်းလွဲ ၁ နာရီကျော်ကနေ စပြီး လေးရက် ဆက်တိုက်မိုးရွာတယ်။ လယ်ကွက် တွေရေမြုပ်ပြီး တမံထဲကရေနောက်တွေက စပါးပင်တွေကို ကပ်တယ်။ ရေကျတော့ နွံနဲ့ပိပြီး အားလုံးလိုလို ပျက်စီးကုန်ပါတယ်။ ရေကျရင်တချို့ လယ်သမားတွေက ပေါ်ဆန်းစပါး မျိုးကို ဆက်စိုက်မယ်လို့ရည်ရွယ်ထား တယ်”ဟု ရေကြည်မြို့နယ်ရှိ တောင်သူတစ်ဦးက ပြောပါသည်။
“စိုက်ခါစလယ်တွေမှာ မိုးများတဲ့ အတွက် ပျက်စီးမှုများတယ်။ မိုးရွာတော့ အောက်ခံရေလည်း ရှိနေတော့ ရေလွှမ်းတာတွေဖြစ်ကုန်တယ်။ မိုးရေ က နေပြန်ပူရင် ကျသွားနိုင်ပေမယ့် အောက်ခံရေ လိုက်လာမှာကိုတော့ စိုး ရိမ်ရပါတယ်။ ပထမတစ်ခေါက် တုန်းကလည်း ပြန်ပျိုးထောင်ပြီး စိုက်ရပါတယ်။ ပျိုးထောင်ရတာက ရက်မပြည့်သေးခင်မှာတင် မြေသားတောင်မစွဲသေးဘဲ မိုးကရွာတော့ ထပ်ပြီးဆုံးရှုံးရပါတယ်”ဟု ကျုံပျော်မြို့နယ်မှ ဒေသခံတစ်ဦးကပြောပြသည်။
ဧရာဝတီမြစ်၌ စိုးရိမ်ရေမှတ် ရောက်ခြင်း မရှိသေး
ဧရာဝတီမြစ်ရေသည် ဇူလိုင်လ ၂၂ ရက်နေ့၌ မြစ်ကြီးနားမြို့တွင် ၅၉၅ စင်တီမီတာ၊ ဗန်းမော်မြို့တွင် ၈၇၀ စင်တီမီတာ၊ ကသာမြို့တွင် ၈၈၁ စင်တီမီတာ၊ မန္တလေးမြို့တွင် ၉၉၂ စင်တီမီတာနှင့် စစ်ကိုင်းမြို့တွင် ၈၈၀ စင်တီမီတာ အသီးသီးရှိနေပြီး အဆိုပါမြို့များ၏ စိုးရိမ်ရေမှတ်အောက် အနည်းဆုံး ၁၅၀ စင်တီမီတာ(ငါးပေခန့်)မှ ၂၁၀ စင်တီမီတာ (ခုနစ်ပေခန့်)၌သာ ရှိနေသည်။
“ချင်းတွင်းမြစ်ရေချိန်က အထက်ပိုင်းတွေမှာ မိုးရွာသွန်းမှုအရ မုံရွာမြို့ရဲ့ စိုးရိမ်ရေအမှတ်ကို ရောက်လာနိုင်တာကြောင့် ချင်းတွင်းမြစ်နဲ့ ဧရာဝတီမြစ်ပေါင်းဆုံတဲ့ မြစ်အောက်ပိုင်းက ညောင်ဦးမြို့ကိုတော့ အခုမြစ်ရေချိန်က ရောက်လာနိုင်ပါတယ်” ဟု မိုးလေ၀သနှင့် ဇလဗေဒဌာနမှ တာဝန်ရှိသူတစ်ဦးက ဆိုပါသည်။
လက်ရှိအချိန်တွင် ညောင် ဦးမြို့ရှိ ဧရာဝတီမြစ်ရေချိန်အမှတ်မှာ ဇူလိုင်လ ၂၂ ရက်နေ့တွင် ၁၉၄၀ စင် တီမီတာသို့ရောက်ရှိနေပြီး ချင်းတွင်း မြစ်ရေရောက်ရှိလာပါက ညောင်ဦးမြို့၏ စိုးရိမ်ရေအမှတ် ၂၁၂၀ စင်တီ မီတာသို့ မြင့်တက်လာနိုင်ကြောင်း သိရသည်။ မြန်မာနိုင်ငံတွင် မြစ်ရေကြီးခြင်းကို သတိပြုရသောမြစ်များ မှာ ဧရာဝတီမြစ်၊ ချင်းတွင်းမြစ်၊ သံ လွင်မြစ်၊ စစ်တောင်းမြစ်၊ ပဲခူးမြစ်၊ ဒုဋ္ဌ၀တီမြစ် စသည်တို့ဖြစ်ကြသည်။
မြန်မာနိုင်ငံတွင် ပျက်စီးဆုံးရှုံးမှု ကြီးမားသော မြစ်ရေကြီးခြင်းကို ၂၀၀၄ ခုနှစ်တွင် ကြုံတွေ့ခဲ့ရသည်။
မြစ်ရေကြီးမှုသည် မိုးလယ်၊ မိုးနှောင်းမိုး ကောင်းမွန်ခြင်းများပေါ် မူတည်နေပြီး လာမည့် မိုးရာသီကာ လလက်ကျန်ရက်များအတွင်း မိုးရွာ သွန်းမှုများ ဆက်လက်ကောင်းမွန် ပါက မြစ်ရေကြီးမှု၊ ရေကြီးရေလျှံမှု များကို သတိပြုရဦးမည်ဖြစ်သည်။
0 comments:
Post a Comment
မှတ်ချက်များကို စိစစ်ပြီးမှ ဖော်ပြပေးမည် ဖြစ်ပါသဖြင့် ဤစာမျက်နှာပေါ်မှာ ချက်ချင်း မြင်ရမည်မဟုတ်ပါ။ မကြာခင် နောက်တခါ ပြန်လာပြီး မိမိ၏ မှတ်ချက်ကို ပြန်ကြည့်ပါရန် မေတ္တာရပ်ခံပါသည်။