> အရှင်မြတ်၏အမျက်တော်စူးရှခြင်း (CURSE OF ALLAH)

ဟာဂျီသန်းလှဦး@hapmala 81 days ago ActivityRank: 5074 မိဘကောင်းပီသသော်သူတို့သည် မိမိတို့၏သားသမီးများအား လိမ္မာရေးခြားရှိသော သားကောင်းသမီးကောင်းလေးများဖြစ်ရန် လိုလား၏။ မိမိသားသမီးများပျက်စီးဆုံးရှုံးမည်ကို မလိုလားသည်မှာအမှန်ပင်ဖြစ်သည်။ သို့ဖြစ်၍မီးဘဟူသည် သားသမီးတို့အားမွေးသည့်အချိန်မှစ၍ မိမိအုပ်ချုပ်မှုလက်အောက်ကမလွတ်သေးသ၍ အစဉ်ဆုံးမကြသည်။ အလ္လဟ်အသျှင်မြတ်သည်လည်း မိမိဖန်ဆင်းထားသော အဖန်ဆင်းခံတို့အား အစဉ် အောင်မြင်နိုင်မည့် နည်းလမ်းကောင်းများ စိတ်ချမ်းမြေ့စေမည့်နည်းလမ်းကောင်းများကို ညွှန်ပြသည်။ အဖန်ဆင်းခံတို့သည် ၄င်းနည်းလမ်းအတိုင်း လိုက်နာဆောင်ရွက်ကြသည့်အခါ အေးချမ်းသာယာမှုကိုခံစားရသည့်အပြင် ဖန်ဆင်းရှင်၏နှစ်သက် မှုကိုလည်းရ၏ ။ သို့ဖြင့်သူတို့သည် ယခုဘဝတွင်လည်းကောင်း နောင်တမလွန်ဘဝတွင်လည်းကောင်း အောင်မြင်သူများ ဖြစ်ကြသည်။ မိဘာဆရာသမားတို့၏စကားကိုနားမထောင်သော သားသမီးတပည့်တို့သည် ရိုက်နှက်ဆုံးမခံရသည် ။အပြစ် ကျူးလွန်သော တိုင်းသူပြည်သားများကို အုပ်ချုပ်သူတို့သည် အကျဉ်းချခြင်း ကြီမ်ဒဏ်ခတ်ခြင်းဖြင့်အပြစ်ပေးလေသည်။ သဘောမှာ ကြီးသော်သူတို့သည် ငယ်သူတို့အား ဆုံးမစကားနားမထောင်လျှင် နားထောင်ရအောင် လီမ္မာရေးခြားရှိအောင် အပြစ်ပေးရခြင်း ဖြစ်သည်။ ဤသည်တို့ကား အလ္လဟ်အသျှင်မြတ်၏ထုံးစံတော်ပင်ဖြစ်သည် ။ မိမိ၏ဆိုဆုံးမစကားကို နား မထောင်ကြကုန်သော အဖန်ဆင်းခံ တို့အားအထိုက်အလျှောက်ဆုံးမတော် အလေ့အထရှိကြောင်း ကျမ်းမြတ်ကုရ်အန်တွင် များစွာသောအကြောင်းလာရှိသည်။ ၄င်းအကြောင်းအရာများစွာအနက် ယီမင်နိုင်ငံ ဆာနာမြို့ ၁၀ မိုင်အကွာရှိ ဒွါရ်ဘန်း ဌါနေ၌ ဖြစ်ပျက်ခဲ့သော အခြေအနေတရပ်မှာ အသျှင်မြတ်၏အမျက်တော် စူးရှသက်ရောက်မှု၏ လက္ခဏာအဖြစ်ယနေ့တိုင်... တည်ရှိနေတော်မူသည်ကို ယနေကခေတ်လူတို့သင်ခန်းစာယူရန် အလို့ငါတင်ပြလိုက်ရပေသည်။ ၄င်းအဖြစ်အပျက်ကို ကျမ်းမြတ် ကုရ်အန်၏ ၂၉ ပရာ စူရဟ် ကလမ်တွင် ဖေါ်ပြပါရှိပါသည်။ အာယတ်တော်များ (၁၇မှ၃၃) အထိသဘော်အကျဉ်းမှာ အလ္လဟ်အသျှင်မြတ်အားချစ်ခင်ရိုသေသော သူတစ်ဦးသည် အလွန်ကျယ်ပြန့်သော ခြံမြေတစ်ခုဝယ်အမျိုးစုံသောသစ်သီးသစ်နှံတို့ကိုစိုက်ပျိုး၏။ သူ၏ထုံးစံတစ်ခုသည် သီးနှံထွက်သောအချိန်၌ခြံမြေ၏ ဦးဆုံးထွက်သော သီးနှံများကိုမရှိဆင်းရဲသား ချို့တဲ့နွမ်းပါးသူများအတွက် ဝေခြမ်းပေးလေ့ရှိသည်။ တနည်းအားဖြင့်မိမိ ခြံထွက်သီးနှံများ၏ အချို့သောအစိတ်အပိုင်းများကို မရှိဆင်းရဲသားတို့အတွက် သတ်မှတ်ပါသည်။ သူဆင်းရဲတို့သည်နှစ်စဉ် ယင်းဥယဉ်ခြံမှ အကျိုးထူးခံစားရသည်။ ကောင်းမြတ်တော်ဒါနဖြစ်သည့်အတွက်ခြံမြေသည် ထို သူကောင်း၏ဘဝတစ်လျှောက် အစဉ်ဖြစ်ထွန်း၏။ ထိုသူတော်ကောင်းကွယ်လွန်လေသော် ကျန်ရှိသောသားသမီးများသည် အသိညဏ်ခေါင်းပါးကြ၏။ စေနဲတွန့်တိုကြသည်။ သူတို့ပြောသည်မှာ ..မိမိတို့၏ဖခင်သည်အလွနအသိညဏ်ခေါင်းပါးသူဖြစ်၏။ မိမိလည်မြေ၏များစွာသောသီးနှံများကို သူ ဆင်းရဲသားတို့အတွက်အချည်းအနှီးစွန့်လွတ်၏။များစွာသောဆုံးရှုါံ်မှုကိုဖြစ်ပေါ်စေ၏။ မိမိတို့လက်ဝယ်ရောက်သောအခါ ဤလည်မြေနှင့်သီးနှံများကို အလကားမပေးနိုင်ဟုဆိုကြသည်။ သို့ဖြင့်သူတို့သည် သီးနှံများရိတ်သီမ်းမည့်အချိန်ရောက်လေသော်သူဆင်းရဲတို့အားခြံအနားမကပ်နိုင်အောင်စီစဉ်ကြလေသည်။ သီးနှံရိပ်သီမ်းမည့်ညတွင် ကောင်းစွာအိပ်ဆက်ပြီး နောက်နေ့မနက်ခြံသို့သွားကာ အကျိုးအမြတ်များကိုမိမိတို့သာ ရယူမည်ဟုကြံစည်ကြလေသည်။ သို့သော်နံနက်လင်းသောအခါ မိမိတို့ခြံသို့သွားသောအခါ ခြံမြေတစ်ခုလုံး မီးလောင်ပျက်စီးနေသည်ကို တွေ့ရလေသည်။ သီးနှံများအားလုံးလောင်ကျွမ်းနေပြီးဖြစ်၏။အသျှင်မြတ်သည်သူဆင်းရဲတို့၏ အခွင့်အရေးကိုအလွန်မြတ်နိုးကြောင်း သိကြလေကုန်။ အထက်ပါအဖြစ်အပျက်သည် ကျမ်းမြတ်ကုရ်အန်တွင် အမှန်တကယ်ဖြစ်ပျက်ခဲ့ကြောင်း ဖေါ်ပြခဲ့သော်လည်း ကမ္ဘာ၌မည်သည့်နေရာတွင် ဖြစ်ပေါ်ခဲ့ကြောင်း ဖေါ်ပြထားခြင်းမရှိပါ။အချို့သော မုဖစ်စီရီါ်န်း (ကျမ်းမြတ်ကုရ်အန်အကျယ် ပြန်သော ပညာရှင် )တို့သည် ၄င်းအဖြစ်အပျက်အား အာဖရိကတိုက်၏ အချိုကဒေသတွင်ဖြစ်ပျက်ခဲ့ပါသည်ဟုမရှင်းမလင်းရေးသားခဲ့ကြပေသည်။သိုကသော်ပညာရှင်ကြီးအီဗ်နေကသီးရ်းကမူ မိမိ၏သဖ်စီးရ်ကျမ်းတွင် အထက်ဖေါ်ပြပါအဖြစ်အပျက်သည် ယီမင်နိုင်ငံတွင်ဖြစ်ပျက်ခဲ့ကြောင်း ရေးသားခဲ့သည်။ ဟဖီးဇ်အီဗ်နေ ကသီးရ်းသည် နာမည်ကျော်ကြားသော် သာဗေအီးန်းတစ်ဦးဖြစ်သည့် စအီးဒ်ဘင်ဂျဗီးရ် (ရဟေ့)ကျမ်းမှ မှတ်တမ်းပြုရေးသားခဲ့သည်မှာ.... ဆူရဟ်ကလမ်တွင်ဖေါ်ပြခဲ့သော ရွာသားတို့သည်ယီမင်နိုင်ငံ ဆာနာမြို့မှ (၆) မိုင်အကွာတွင်ရှိသော ဒွရ်ဘန်း ရွာမှဖြစ်သည်။ ၄င်းရွာကလေးသည်ယနေ့တိုင် ရှိနေဆဲဖြစ်သည်ဟုဆိုလျှင် မယုံချင်စဖွယ် ဖြစ်ကြမည်။ သို့သော်များစွာသော်ကုရ်အန်ကျမ်းတော် မြတ်လာအကြောင်းတရာများမှာ အမှန်တကယ်ဖြစ်ပျက်ခဲ့သည်။၎င်းတို့ကို လူသားတို့သင်ခန်းစာရယူနိုင်ရန် အတွက် အသျှင်မြတ်သ်ာအချို့ကို မပျောက်မပျက်ထီမ်းသီန်းထားဆဲဖြစ်သည်။ မူဆာ သခင်နှင့်ဖီရ်အောင်တို့၏အဖြစ်အပျက်များ၊ နိုင်းမြစ်ကြီး၊ ဖီရ်အောင်၏မံမီ ရုပ်အလောင်းများသည်သံဝေဂရယူစေရန် ကျန်ရှိစေသည်။ ခေတ်သစ်ကမ္ဘာနှင့် ဆန်းသစ်သောအတွေးအခေါ်များလွမ်းမိုးနေသည့် ယနေ့အချိန်သမယတွင် မိမိတို့ကြုံတွေ့နေရသည့် အခြေအနေများ၊ အခက်အခဲများအား အစ္စလမ်သာသနာ၏အတွေးအခေါ်များဖြင့် ဖြေရှင်းနိုင်စွမ်းမရှိဟုတွေးထင်နေကြပေသည်။ စင်စစ်ကမ္ဘာကြီးရင်ဆိုင်ကြုံတွေ့နေရသည့် ပြသ်နာများ၏အဖြေသည်ရှရီအတ်ဥပဒေတွင်ပါရှိ၏ ထိုအကြောင်းကိုမွစ်လင်ပညာရှင်များသည် အစ္စလမ်သာသနာတော်နှင့် ရှရီအတ်ဥပဒေများကို အခြေခံလျှက် မိမိတို့၏ အယူအဆများကိုတင်ပြရေးသားလာကြသည်ကို ခေတ်အွမ္မသ်အနေဖြင့်သတိထားမိကြပါသည်။၎င်းပညာရှင်များအနက် ဟဇရတ်မော်လာနာ မွဖ်သီသကီး ဆွာဟီဗ်သည် အလွန်ထင်ရှားသော ပညာရှင်တစ်ယောက်ဟုဆိုလျှင်မှားအံမထင်။ ဆရာကြီးသည်သာသနာ့ပညာကိုတစ်ဖက်ကမ်းခတ်တတ်မြောက်ထားသည့်ဆရာတစ်ဦးဖြစ်သည့်အပြင် ခေတ်ပညာတွင်လည်း အောက်စဖို့ယူနီဗာစီတီမှ ဥပဒေဘွဲ့ရယူခဲ့သူတစ်ဦး ဖြစ်ပါသည်။ ပါကစ္စတန်နိုင်ငံတွင်တရားသူကြီးချုပ်တာဝန်ထမ်းဆောင်ခဲ့သူဖြစ်ပြီး၊ယနေ့အစ္စလမ့်ကမ္ဘာတွင်ပညာရှင်တစ်ဦးအဖြစ် လက်ရသူလည်းဖြစ်သည်။ ယနေ့ဆရာကြီးသည် ကမ္ဘာပေါ်တွင် ခရီးအများဆုံးထွက်ရသည့် ကမ္ဘာလှည့် ပရော်ဖက်ဆာ (Visiting professor) ဆရာတစ်ဦးအဖြစ်လည်း ကျော်ကြားပါသည်။ ဆရာကြီး၏ကမ္ဘာနိုင်ငံများခရီးသွားဆောင်းပါသည်အလွန်ပင်စိတ်ဝင်စားဖွယ်ရာကောင်းပြီး ပတ်ဝမ်းကျင် ဗဟုသုတလည်း များစွာခံစားရရှိနိုင်ပါသည်။ ယခုဖေါ်ပြနေသည့်အကြောင်းသည် ဆရာကြီး၏ယီမင်နိုင်ငံသွားဆောင်းပါးအတွင်းမှ ကောက်နှုတ်ဖေါ်ပြထားသည့်အကြောင်းဖြစ်ပါသည်။ သက္ကရစ် ၂၀၀၁ ခုနှစ် မေလ ၁ ရက်နေ့တွင် မော်လာနာမွဖ်သီတကီး ဆွာဟီဗ်သည် ယီမင်နိုင်ငံဆာနာမြို့ရှိ ဂျာမေအဟ် အီမန်သက္ကသိုလ်၏ဘွဲ့နှင်းသဘင် အခန်းအနားသို့ တက်ရောက်ခဲ့စဉ် အချိန်လု၍ အထက်ဖေါ်ပြပါ ဒွရ်ဘန်းရွာလေးသို့သွား ကြည့်ခဲ့သည်။ ဆရာကြီးနှင့်အတူ ဒေါက်တာ ဆိုလိုင်မန်နဒဝီ ဆွာဟီဗ်လည်း အတူသွားခဲ့သည်။ သူတို့သည် ဆာနာမြို့မှ အဆွရ်နမားဇ်ဖတ်ပြီး ဒွရ်ဘန်းရွာဘက်သို့ကားဖြင့်ခရီးထွက်ခဲ့ကြသည်။ လမ်းမှကျြယ်ပြောသည့်အလျှောက် လမ်းတစ်ဖက်တစ်ချက်တွင် မြင်ကွင်းတို့သည် ကန္တရမြေ၏ သဘာဝတောတောင် ကုန်းငယ်ခလေးများ မြေပြန့်လွင်ပြင် များဖြင့် တစ်မျိုးစိတ်ဝင်စားစရာ ကောင်းလှသည်။ တောင်တန်းများကြားသွားနေရင် ခပ်လှမ်းလှမ်းသို့ရောက်သောအခါ ဒေါက်တာဆိုလိုင်မန်ဆွာဟီဗ်က မွဖ်သီသကီးဆွာဟီဗ်အား တောင်တစ်တောင်ကိုလက်ညှိုးထိုးပြလျှက် ဤတောင်သည် နရ်ယန်းတောင်ဖြစ်သည်ဟု ပြောပါသည်။ ဤတောင်နှင့်ပတ်သက်ပြီးရာဇဝင်ရှိသည်ဟုဆိုသည်။ ဒေါက်တာဆွာဟီဗ်က ဆက်လက်မိန့်သည် မိမိ၏ယုံကြည်စိတ်ချရသော ဆရာကြီးများထံမှသိရသည်မှာ တမန်တော်(ဆွ)သည် ဟဇရတ်အလီသခင်အား ယီမင်နိုင်ငံတွင် ဗလီဝတ်ကျောင်းတော်ဆောက်လုပ်ရန်မိန့်ကြားစဉ် နမာဇ်ဦးလှည့်ဖတ်ရန် ကီဗ်လာအား ဤတောင် ဘက်သို့ရှေ့ရှု့ရမည့်အကြောင်းမှာကြားခဲ့သည်။ မွဖ်သီဆွာဟီဗ် ဖေါ်ပြသည်မှာ မိမိတို့ကားဖြင့် ၄င်းတောင်အားဖြတ်သန်းသွားစဉ် နေသည်အမှန်ပင် ၄င်းတောင်ဖက်သို့ငိုက်ရှီုးမည့်အခြေအနေ ဖြစ်သဖြင့် တမန်တော်သခင်(ဆွ)၏ အမိန့်တော်သည်မှန်ကန်ကြောင်းသိရ၏ နေဝင်ရာအရပ်သည်မဂ်ရီဗ်ဖြစ်၏။ လမ်းတစ်လျှောက်တွင် ကာသ် ဟုခေါ်သော အပင်အချို့တွေ့ရသည်။ ၄င်းအပင်တို့သည်ဆေးရွက်ကြီးကဲ့သို့ အပင်များဖြစ်သည်။ အရွက်ကိုကွမ်းတွင်ထည့်စားနိုင်သလို သီးသန့်ဝါး၍လည်းရ၏။ အနည်းငယ်မူးရစ်သည့်ဓါတ်ရှိသော်လည်း ၄င်းကိုစားခြင်းဖြင့်ဟရမ်ထိုက်ကြောင်း ယီမင်မှတာဝန်ရှိသူများမသတ်မှတ်ပေ။ ကာသ် စိုက်ခင်းပြင်ကြီးသည်အလွန်ပင် ကျယ်ပျော်လွန်းသည် ။ အတန်ကြာသွားပြီးနောက်ဆရာကြီးတို့သည် ရွာငယ် လေးတစ်ရွာသို့ရောက်ရှိလေသည်။ ဈေးငယ်ကလေးရှိပြီးရွာနီးစပ်မှ လူများဖြင့်စည်ကားနေသည်ကိုတွေ့ရ၏။ သူတို့သည် ရွာမှလူအချို့နှင့်တွေ့ဆုံကာ ကျမ်းမြတ်ကုရ်အန်လာ ဥယဉ်ပိုင်ရှင်၏ နယ်မြေသည် မည်သည့်ဒေသတွင်ရှိကြောင်းမေးမြန်းကြသည်။ ရွာသားများ၏လမ်းညွှန်မှုဖြင့် ဆရာကြီးတို့သည် ရှေ့ဆက်သွားကြရာ မကြာခင်တောင်တစ်တောင်အားဖြတ်ကျော်ကြသည် ၄င်းနောက်တောင်အောက်ကို ဆင်းလာရာတွင်အလွန်ဆန်းကျယ်သောမြင်ကွင်းတစ်ခုကိုတွေ့ရသည်။ စိတ်အတွင်းဝယ်ခံစားရသည့်အသိမှာ ထူးဆန်းသလို အခြေအနေနှင့် နေရာတစ်ခုလုံးသည် အံသြစရာ ထိန့်လန့်စရာဖြစ်နေတော့်သည်။ ဆရာကြီးတို့ ဖြတ်သန်းလာခဲ့သောတောင်များမြေများသည် သာမန်မြေအရောင်ဖြစ်သည် ။ယခုရောက်ရှိနေသည့် နေရာ၏မြေအရောင်သည် ကျောက်မီးသွေးကဲ့သို့မဲမှောင်နေ၏။ မြေပြင်တစ်ခုလုံနှင့် မြေပြင်ပေါ်ထိုးထွက်နေသော် ကျောက်တုံး ကျောက်ခဲအပေါင်းတို့သည် မီးမြိုက်ခံရသည့်အလား အင်အားကြီးမားသော လောင်ကျွမ်းမှုတစ်ခုကိုခံထားရသည့်အလား ဖြစ်နေ၏။ ကမ္ဘာပေါ်ရှိကျောက်နက်တုံးများထွက်သည့် နေရာဒေသတို့တွင် မြေပြင်သည်သာမန်အရောင်ဖြစ်တတ်ပြီး ကျောက်အသားသာအနက်ဖြစ်သည်။ ယနေ့ထိုနေရာတွင်တွေ့ရှိရသာ ကျောက်တုံးများနှင့်မြေကြီးအရောင်သည် လောင်ကျွမ်းမဲနက်နေပါသည်။ စင်စစ်ဤဒေသတစ်ခုလုံးသည် ကျမ်းမြတ်ကုရ်အန်တွင် ဖေါ်ပြထားသည့်အတိုင်း အလ္လဟ် အသျှင်မြတ်ဘက်မှ အာဇဗ်အပြစ်ဒဏ်ပေးသည့်အနေနှင့် ခြံပိုင်ရှင်တို့၏ခြံမြေဒေသတစ်ခုလုံးကို မီးလောင်တိုက်သွင်းခဲ့ ခြင်းဖြစ်မည်။ ဆရာကြီးများသည် ယင်းမြေပေါ်သို့ ချေချလမ်းလျှောက်ကြည့်ရာ လမ်းလျှောက်ရန်ပင်ခက်ခဲလွန်းကြောင်းတွေ့ရသည် ထင်ရှားသည်မှာခြံပိုင်ရှင်တို့သည် မိမိဖခင်ကဲ့သို့ သူဆင်းရဲတို့အား ထောက်ထားညှာတာမှုမရှိခဲ့ခြင်းကို အလ္လဟ်အသျှင်မြတ်မနှစ်သက်ပေ။ နောင်လာနောက်သားအပေါင်းကိုသတိပေးလို၍လည်းကောင်း၊ ဆင်းရဲသားများ၏ အခွင့် အရေးကိုပိတ်သူတို့၏နိဂုံးမကောင်းကြောင်း အသိပေးလို၍လည်းကောင်း ယခုကဲ့သို့ခြံမြေတစ်ခုလုံးကို လောင်မီးကျစေခဲ့ညခင်းဖြစ်နိုင်သည်။ လောင်ကျွမ်းခဲ့သည်မှာနှစ်ပေါင်းများစွာ ကြာမြင့်ခဲ့လေသည်။ ယနေ့အထိတိုင်အခြေအနေမှာ ယခုပင်လောင်မီးကျရောက် ထားသကဲ့သို့ လတ်လတ်ဆပ်ဆပ် ထင်ထင်ရှားရှားဖြစ်နေသည်ကိုတွေ့ရ၏ ။ဖြစ်နိုင်ခြေမှာ၎င်းအခြေအနေကို ကေယာ မသ်နေ့တိုင် လူတို့သင်ခန်းစာရစေရန် အလို့ငှါ ထားကောင်းထားအုံးမည်ဖြစ်သည်။ ဆရာကြီးနှစ်ပါးသည် ကျမ်းမြတ်ကုရ်အန်လာ အဖြစ်အပျက်တစ်ခုကိုလေ့လာသိရှိရန်အတွက် ဤနေရာသို့ရောက်သွားကြ၏ ဆရာကြီးတို့သည်ယင်းနေရာတွင်ကြာကြာနေလိုစိတ်မရှိကြပေ။ တမန်တော်သခင်သည် အပြစ်ဒဏ်(အာဇဗ်) ကျရောက်ခဲ့သော နေရာများတွင်ကြာကြာမနေရန် ၊အမြန်ဆုံးထွက်ခွါရန် သတိပေးခဲ့ဘူးသည်။ မိမိတိုကကိုယ်တိုင်လည်း ယင်းအပြစ်ဒဏ်၏အငွေ့အသက် မခံစားရအောင် ချက်ချင်းထွက်ခွါသင့်ကြောင်း မိန့်ကြားခဲ့ဘူးသည်ကို သတိထား၍ ထိုနေရာမှဆရာသခင်နှစ်ပါးသည်ချက်ခြင်းပြန်လည်ထွက်ခွါခဲ့ကြပါသည်။ ဤကားကုရ်အန်ကျမ်းမြတ်လာအေ့ကြာင်းအရာတစ်ခုကိုယနေ့တိုင်ရှိနေသေးကြောင်း ဗဟုသုတရစေရန် တင်ပြပေးတာဖြစ်သလို အချို့သူတို့၏ ကိုရ်အန်ကျမ်းမြတ်အား မဟုတ်လုပ်ကြံပြောဆိုနေမှုများအား အထောက်အထားတစ်ခုအနေနဲ့တင်ပြပေးတာဖြစ်ပါတယ်.... သတိတရားသံဝေဂ ယူနိုင်သူများအဖို့ဒီလိုအကြောင်းအရာတစ်ခုစီကနေမြောက်များစွာ ရယူနိုင်ပေမယ့် ......အကျိုးမရှိနိုင်သူများအတွက်ကဒီလို အဖြစ်အပျက်မျိုးပေါင်း သန်းပေါင်းမြောက်များစွာ တွေ့ရလည်း အကျိုးဖြစ်ထွန်းနိုင်မည်မဟုတ်ပါ။ hapmalaysia