သားအိမ်-ကင်ဆာ ကာကွယ်ဆေး

သားအိမ်ခေါင်းကင်ဆာ ကာကွယ်ဆေးက လုံးဝ လိင်မဆက်ဖူးသူဆိုရင် ပိုပြီးစိတ်ချရတယ်လို့ ပြောပါတယ်။ ဆေးက ပထမနဲ့ ဒုတိယအကြိမ်က တစ်လကြာပြီး။ ဒုတိယအကြိမ် နဲ့ တတိယအကြိမ်က ခြောက်လ အကြာမှာ ထိုးရတာလို့သိရပါတယ်။ ကျွန်မက အခုသွားထိုးရင် ပထမ အကြိမ်နဲ့ ဒုတိယအကြိမ် ဆေးထိုးတာမှာ ကြားကာလမှာ မင်္ဂလာ မဆောင်ခင်အချိန်ဖြစ်ပေမဲ့။ ဒုတိယ အကြိမ်နဲ့ တတိယအကြိမ် က ခြောက်လခြားတယ်ဆိုတော့ မဂ်လာဆောင်ပြီးသွားလို့ အဲဒီဆေးပတ် မလည်သေးတဲ့သဘော ဖြစ်တော့ ကျွန်မ အခုမှ သားအိမ်ခေါင်း ကာကွယ်ဆေးတာ ကျွန်မကို ကာကွယ်မှုဖြစ် စေနိုင်ပါ့မလားဆိုတာ သိချင်ပါတယ်။

Gardasil နဲ့ Cervarix ဆေး ၂ မျိုးလုံးကနေ သားအိမ်-ကင်ဆာကိုဖြစ်စေနိုင်တဲ့ HPV infection ကူးစက်မှာကို ကာကွယ်ပေးပါမယ်။ မိန်းကလေးတယောက်ကို လိင်နဲ့ပတ်သက်တာမျိုး မထိတွေ-မဆက် ဆံနိုင်လောက်တဲ့ အချိန်-အသက်အရွယ်မှာ ထိုးပေးသင့်တယ်လို့ သတ်မှတ်ထားတယ်။ FDA ရဲ့သတ်မှတ်ချက်ကတော့ Gardasil ဆေးကို ယောက်ျားလေး-မိန်းကလေး အသက် ၉ နှစ်ကနေ ၂၆ နှစ် နဲ့ Cervarix ဆေးကို မိန်းကလေး အသက် ၉ နှစ်ကနေ ၂၅ နှစ်ဖြစ်တယ်။

နောက်ပိုင်းမှာ ပြင်ဆင်လာတာတွေ ရှိတယ်။ Gardasil နဲ့ Cervarix ဆေးတွေကို မိန်းကလေး အသက် ၁၁-၁၂ နှစ်မှာ ထိုးစေတယ်။ ၉ နှစ်အထိ ငယ်တာကိုလည်း တားတော့မတားပါ။ တကယ်လို့ ငယ်တုံးက မထိုးရသေးရင် ၁၃ နှစ်ကနေ ၂၆ နှစ်ကြား ဘယ်အမျိုးသမီးမဆို တခါမှ မထိုးဘူးသူဖြစ်ဖြစ်၊ ၃ ခါ မပြည့်သူတွေဖြစ်ဖြစ် ထိုးသင့်တယ်။ ၂၆ နှစ်တော့ကျော်ပြီ အရင်က ၃ ခါ မပြည့်သူတွေလဲ ကျန်နေတဲ့ဆေးပါတ်ကို ထိုးနိုင်ပါတယ်။

ယောက်ျားလေးတွေကိုလည်း ၁၁-၁၂ နှစ်မှာ ထိုးရပြီး၊ အဲဒီအရွယ်တုံးက မထိုးရသေးရင်၊ ၃ ခါ မပြည့်သေးရင်လည်း ၁၃-၂၁ နှစ်အတွင်းမှာ ထိုးပါ။ ၂၂-၂၆ နှစ်အထိ ၃ ခါမပြည့်သေးရင် ပြည့်သွားအောင်ထိုးပါ။

ဆိုလိုတာက HPV ပိုးနဲ့မတွေ့ခင်ဆိုတာ အရေးကြီးဆုံးအချက်ဖြစ်တယ်။ ဆေးပညာအရကြည့်ရင် မင်္ဂလာဆောင်တာ-မဆောင်တာထက် အရေးပါတယ်။ ဆရာဝန်တွေက ဒီနေရာမှာ သူများပြောတာကို မယုံတဲ့ ဘက်ကနေကြရတယ်။ ရောဂါ ရာဇဝင်သိအောင် မေးချင်တော့ မေးမယ်။ လူပျို-အပျို စစ်သလား၊ မစစ်ဘူးလား ဆိုတာထက် ကူးစက်နိုင်ခြေ ရှိ-မရှိသာ ကြည့်ပါတယ်။

အများသုံးဘို့ရာ အဖြစ်နိုင်ဆုံးကိုသာ ရွေးရလို့ ၉ နှစ်သမီး၊ ၁၁ နှစ်သားတွေ ပါသွားတယ်။ ငါ့သမီးငယ်ငယ်လေး လိင်အရေး နဲ့ ဘာဆိုင်လဲ စိတ်ဆိုးပြီးမေးသူ မမှားပါ။ Child pornography, Child sex tourism, Child-prostitutes, Child Sexual Abuse တွေမှာ ကလေးငယ်လေးတွေ အရွယ်မရွေးရှိနေလို့ FDA သတ်မှတ်ချက်က နည်းတောင် နည်းသေးတယ် ပြောရင်လဲ မှန်တာဘဲ။

မေးတဲ့သူ ပူစရာမလိုပါ။ ဆေးကိုသာ ၃ ခါပြည့်အောင် ထိုးနိုင်ပါတယ်။ မင်္ဂလာရက် နောက်ဆုတ်စရာမလိုပါ။

ဒေါက်တာတင့်ဆွေ (၁၆-၂-၂ဝ၁၂ )

ဒေါက်တာတင့်ဆွေ - သားအိမ်-ကင်ဆာ ကာကွယ်ဆေး