လုပ်ကြံခံရခြင်း

နိုင်ငံတကာ လုပ်ကြံမှုများ
အေဗရာဟင်လင်းကွန်းသည် ၁၈၀၉ ခုနှစ်တွင် အမေရိကန် ပြည်ထောင်စု ကင်တပ်ဆီပြည်နယ်၊ လယ်တဲလေး တစ်လုံးတွင် မွေးဖွားခဲ့သည်။ ဘ၀ကား ခက်ခဲ ကြမ်းတမ်းလှ၏။ ၁၅ နှစ် အရွယ်တွင် စာရေးတတ်၊ ဖတ်တတ်သာ ရှိသေး၏။ ဘ၀ကို ပင်ပန်းကြီးစွာ ရုန်းကန်၍ တိုးတက်မြင့်မားအောင် လုပ်ခဲ့၏။ သူ၏ လုံ့လ ၀ီရိယ ကြီးမားမှုကြောင့် ဆင်းရဲဒုက္ခ ဟူသမျှ ကျော်ဖြတ်၍ အမေရိကန် ပြည်ထောင်စု၏ ၁၆ ယောက်မြောက် သမ္မတကြီး ဖြစ်ခဲ့လေသည်။
အမေရိကန် တောင်ပိုင်း၊ မြောက်ပိုင်းခွဲရေး ဟူသော အယူအဆကြောင့် ပြည်တွင်းစစ်ကြီး ဖြစ်ရာ လင်းကွန်းက ခွဲရေးသမားတို့အား နိုင်အောင် တိုက်ခဲ့၏။ အမေရိကန်နိုင်ငံရှိ ကျွန်အားလုံးကို ၁၈၆၃ ခုနှစ်တွင် လွတ်မြောက်ခွင့်ပေးကာ ကျွန်စနစ်ကို ဖျက်သိမ်းခဲ့၏။ ထို့ကြောင့် တောင်ပိုင်းသားတို့က လုံးဝ မကျေနပ်ကြ။
လင်းကွန်းအား မကျေနပ်သူ လူတစ်စုက လင်းကွန်းကို လုပ်ကြံဖို့ ကြိုးပမ်းရာ ၈၂ ကြိမ်တိတိ ရှိသတဲ့။ ၁၈၆၅ ခုနှစ်၊ ဧပြီလ ၁၄ ရက်နေ့တွင် ၈၃ ကြိမ်မြောက် လုပ်ကြံမှ လုပ်ကြံမှု အောင်မြင်သွားလေ၏။ လုပ်ကြံသူမှာ ဂျွန်ဝီလ်ကီစ်ဘုသ် ဖြစ်၏။ အမှန်တရားကို ရှာဖွေရသည်မှာ အန္တရာယ်ကြီးလှ၏။ သိပ်တော့ မလွယ်ကူလှ။
ဂျွန်အက်ဖ်ကနေဒီသည် အမေရိကန် ပြည်ထောင်စု၏ ၃၅ ယောက်မြောက် သမ္မတ ဖြစ်၏။ သူ့ကို ၁၉၁၇ ခုနှစ်၊ မေလ ၂၉ ရက်တွင် မက်ဆာချူးဆက်ပြည်နယ်၊ ဘရွတ်ကလင်မြို့၌ မွေးဖွားခဲ့၏။ ၁၉၆၀ ပြည့်နှစ်တွင် သမ္မတ ဖြစ်ခဲ့၏။ ကနေဒီသည် သမ္မတ တာဝန် နှစ်နှစ်နှင့် ၁၀ လမျှ တာဝန်ထမ်းဆောင်ပြီး ၁၉၆၃ ခုနှစ် နိုဝင်ဘာလ ၂၂ ရက်နေ့တွင် လုပ်ကြံခံရ၏။ လုပ်ကြံသူသည် အသက် ၂၄ နှစ်အရွယ်ရှိ လီးဟာဗေးအော့စ်ဝဲ ဆိုသူ ဖြစ်၏။ သူသည် လက်ဝဲ၀ါဒယိမ်းသူ ဖြစ်၏။
ဂျွန်အက်ဖ်ကနေဒီ၏ညီ ရောဘတ် ကနေဒီသည်လည်း ၁၉၆၈ ခုနှစ်၊ ဇွန်လ ၅ ရက်နေ့ ဒီမိုကရက်တစ် ပါတီ၏ သမ္မတလောင်း မဲဆွယ်ပွဲတွင် လုပ်ကြံခံရပြန်၏။ လုပ်ကြံသူကား အသက် ၂၄ နှစ် အရွယ်ရှိ ပါလက်စတိုင်းလူမျိုး ရှာဟန်ဘီရှာဟန် ဆိုသူ ဖြစ်၏။ ရောဘတ်ကနေဒီက အစ္စရေးနိုင်ငံအား ထောက်ခံသဖြင့် ရန်သူဟု သတ်မှတ်ထားသူ ဖြစ်၏။
မစ္စတာဂန္ဒီသည် အ၀ိဟိံသ၀ါဒီ - ငြိမ်းချမ်းရေးသမား ဖြစ်၏။ အိန္ဒိယ နိုင်ငံ၏ လွတ်လပ်ရေးဖခင်ကြီး ဖြစ်၏။ နိုင်ငံသား အများစုက အိန္ဒိယ၏ မဟာဝိညာဉ်တော်ကြီး အဖြစ် ''မဟတ္တမ'' ဟူ၍ ဂုဏ်ပုဒ်တပ်ကာ မဟတ္တမဂန္ဒီဟု ခေါ်ကြ၏။ ၁၈၆၉ ခုနှစ် အောက်တိုဘာလ ၂ ရက်နေ့တွင် အိန္ဒိယနိုင်ငံ ပေါ်ဘန်ဒါနယ်၌ မွေးဖွားခဲ့၏။

အမြင်မှန်ရမည်၊ အယူအဆ မှန်ရမည်၊ အတွေးအခေါ် မှန်ရမည်၊ မှန်မှန်ကန်ကန် ပြောရမည်၊ မှန်မှန်ကန်ကန် လုပ်ရမည်၊ မှန်မှန်ကန်ကန် အသက်မွေးဝမ်းကျောင်း ပြုရမည်၊ မှန်ကန်စွာ အားထုတ်ရမည်၊ အမှန်တရားကို အာရုံပြုရမည်၊ အမှန်တရားကို စိတ်ထဲ၌ ထားရမည်၊ မိမိတို့၏ ကံသုံးပါး သစ္စာတရားနှင့် ယှဉ်ခဲ့သော် လုပ်ကြံမှုမှ လွတ်မြောက်ပါလိမ့်မည် .....

ဂန္ဒီသည် ၁၉၄၈ ခုနှစ် ဇန်န၀ါရီလထဲတွင် ဟိန္ဒူ-မူဆလင် ပဋိပက္ခ အတွက် အစာငတ်ခံ ဆန္ဒပြခဲ့၏။ အကျိုးဆက်ကား လူများစု ဟိန္ဒူများက အလျှော့ပေး၍ ပြေလည်အောင် လုပ်ပါမည်ဟု ကတိပေးကြ၏။ ထိုအတွက် အစွန်းရောက် ဟိန္ဒူများက ဂန္ဒီကို မကျေနပ်ကြ။ ထို့ကြောင့် ၁၉၄၈ ခုနှစ် ဇန်န၀ါရီလ ၃၀ ရက်နေ့တွင် သတင်းစာ အယ်ဒီတာ နာသူရမ်ဗွီရုဆီး ဆိုသူ အစွန်းရောက် ဟိန္ဒူ လူရွယ် တစ်ယောက်က အနီးကပ် သေနတ်ဖြင့် ပစ်ခတ် လုပ်ကြံလိုက်လေသည်။
အင်ဒီရာဂန္ဒီသည် အိန္ဒိယ လွတ်လပ်ရေး ခေါင်းဆောင် ဂျဝါဟလာနေရူး၏ သမီး ဖြစ်သည်။ ပညာရည် မြင့်မား၍ ထူးချွန်ထက်မြက်သည်၊ ရဲဝံ့ပြတ်သားသည်၊ ထိုအရည်အသွေးများက သူမအား နိုင်ငံ့ခေါင်းဆောင်ကောင်း အဖြစ်သို့ ပို့ဆောင်ပေးခဲ့၏။ သူမသည် ၁၉၆၆ ခုနှစ်မှ ၁၉၈၄ ခုနှစ် အထိ နှစ်ပေါင်း ၂၀ နီးပါးမျှ ၀န်ကြီးချုပ် အဖြစ်နှင့် အိန္ဒိယနိုင်ငံကြီးကို ဦးဆောင်ခဲ့သည်။
၁၉၈၄ ခုနှစ်တွင် ဘာသာရေးနှင့်စပ်၍ အစွန်းရောက် ဆစ်ခ် စစ်သွေးကြွများကို အပြတ်အသတ် နှိမ်နင်းလိုက်သည်။ ထိုအတွက်ကြောင့် ယင်းနှစ် အောက်တိုဘာလ ၃၁ ရက်တွင် အင်ဒီရာဂန္ဒီ၏ သက်တော်စောင့် အမှုထမ်းသက် ရှစ်နှစ်မျှ ရှိသူ ဆစ်ခ်လူမျိုး လူယုံတော် ဘီယန်ဆင်း က အနီးကပ် သေနတ်ဖြင့် လုပ်ကြံသည်ကို အင်ဒီရာဂန္ဒီ ခံလိုက်ရသည်။
အင်ဒီရာဂန္ဒီ၏သား ရာဂျစ်ဂန္ဒီ သည် ၁၉၈၄ ခုနှစ်တွင် မိခင်၏ ရာထူးကို ဆက်ခံကာ ၀န်ကြီးချုပ် ဖြစ်လာခဲ့သည်။ ၁၉၉၁ ခုနှစ် အိန္ဒိယသည် အခြေအနေဆိုးလျက် ရှိသည်။ အစိုးရအဖွဲ့တွင် အရည်အချင်း မရှိသူများနှင့် ပြည့်နှက်လျက် ရှိသည်၊ အာဏာ မက်သူများနှင့် မိမိနှင့် ဆိုင်ရာများ ကောင်းစားရေးကို ရှေ့တန်းတင်သူ အကျင့်ပျက်များက ကြီးစိုးနေကြသည်။ ဘာသာစွဲ၊ ဒေသစွဲ များကလည်း တစ်မှောင့် ဆိုသလို ရှိသည်။
တမီးလ်လူမျိုး အစွန်းရောက်တို့ ပြဿနာက အကြီးမားဆုံး ဖြစ်သည်။ ၁၉၉၁ ခုနှစ် မေလ ၂၁ ရက်နေ့ လူထုအစည်းအဝေးပွဲကြီးတွင် အသေခံ ဗုံးခွဲသူ တမီးလ် အမျိုးသမီးငယ် ဒီဟာနု(ခ)လာယာတီ၊ ရူဘဟာ (ခ)ရှာလီနီ တို့၏ လုပ်ကြံမှုကြောင့် ရာဂျစ်ဂန္ဒီ ကွယ်လွန်ရသည်။ ဤကား နိုင်ငံတကာ လုပ်ကြံမှုများမှ အထင်ရှားဆုံး လုပ်ကြံမှုများ ဖြစ်သည်။
ပါဠိစာပေလာ လုပ်ကြံမှုများ
အရှင်မောဂ္ဂလာန် ပရိနိဗ္ဗာန် ပြုသောအခါ ခိုးသားငါးရာ တို့၏ လုပ်ကြံမှုကို ခံရ၍ ပရိနိဗ္ဗာန် ပြုရ၏။ သူသည် အတိတ်ဘ၀ တစ်ခုက အိမ်သူသက်ထား၏ မဟုတ်မမှန် လုပ်ကြံ ကုန်းချောမှုကြောင့် မိဘနှစ်ပါးကို လုပ်ကြံခဲ့လေ၏ ဤအဖြစ်အပျက်မျိုးသည် ပါဠိစာပေ၌ မြောက်မြားစွာ ရှိသည်။
သောတာပန် ကျောင်းဒကာ ဗိမ္ဗိသာရ မင်းကြီးသည် သားမိုက် အဇာတသတ်၏ လုပ်ကြံမှုကြောင့် နတ်ရွာစံရသည်။ အဇာတသတ်မင်းလည်း သားမိုက် ဥဒယ မင်းသား၏ လုပ်ကြံမှုကြောင့် နတ်ရွာစံရသည်၊ ဥဒယမင်းလည်း သားမိုက် မဟာမုဏ္ဍိက မင်းသား၏ လုပ်ကြံမှုကြောင့် နတ်ရွာစံရသည်၊ မဟာမုဏ္ဍိကမင်းလည်း သားမိုက် အနုရုဒ္ဓါ မင်းသား၏ လုပ်ကြံမှုကြောင့် နတ်ရွာစံရသည်၊ အနုရုဒ္ဓါမင်းလည်း သားမိုက် နာဂဒါသ မင်းသား၏ လုပ်ကြံမှုကြောင့် နတ်ရွာစံရသည်။ နောက်ဆုံး ထိုအစဉ်အလာ ဆိုးကြီးကို တိုင်းပြည်က အဆုံးသတ်လိုက်ရသည်။
အရှင်ဒေ၀ဒတ်နှင့် အဇာတသတ်တို့ ပူးပေါင်း ကြံစည်မှုဖြင့် ဘုရားရှင်ကို လုပ်ကြံဖို့ နာဠာဂိရိဆင်ကြီးကို အရက် မူးအောင်တိုက်ပြီး ဘုရားရှင် ဆွမ်းခံလမ်းကို မျက်နှာချင်းဆိုင်မှ လွှတ်လိုက်ကြ၏။ သို့သော် ဘုရားရှင်၏ မေတ္တာတော် အနန္တကြောင့် လုပ်ကြံမှု မအောင်မြင်ခဲ့။
အရှင်ဒေ၀ဒတ်သည် ဘုရားရှင်ကို လုပ်ကြံဖို့ ဘုရားရှင် ဂိဇ္ဈကုဋ်တောင်ရိပ် စကြံလျောက်ခိုက် ဂိဇ္ဈကုဋ် တောင်ပေါ်မှနေ၍ ကျောက်တုံးကြီးကို လှိမ့်ချလိုက်၏။ သို့သော် ဘုရားရှင်၏ တန်ခိုးတော် အနန္တကြောင့် နံဘေးက တောင်နှစ်လုံးက လာခံထား၍ ကျောက်တုံးကြီးက အောက်မကျဘဲ တင်နေလေ၏။ လုပ်ကြံမှု အထမမြောက်လိုက်။ သို့သော် ကျောက်တုံး ခပ်သေးသေး တစ်ခု ပဲ့၍ ဘုရားရှင်၏ ခြေမတော်ပေါ် ကျသဖြင့် အတွင်းကြေကြေကာ အနာဖြစ်၍ ခွဲစိတ်ကုသမှုကိုတော့ ခံယူရသေး၏။
တိတ္ထိတို့သည် ဘုရားကို မတုပနိုင်သဖြင့် မဟုတ်မမှန် လုပ်ကြံကာ စိဉ္စမာဏ၀ိကာကို ကိုယ်ဝန် အတုအယောင်ဖြင့် ဘုရားရှင် တရားပွဲရှိရာသို့ သွားပြီး ''ရှင်ကြီး ဂေါတမနှင့် ရထားသော ကိုယ်ဝန်ပါ''ဟူ၍ လူပုံအလယ်တွင် ဂုဏ်သိက္ခာကျအောင် လုပ်ကြံ စွပ်စွဲစေလေ၏။ ဘုရားသော်မှ လုပ်ကြံမှု အမျိုးမျိုးနှင့် ရင်ဆိုင်ခဲ့ရ၏။

အောင်ဆန်းအက်တလီစာချုပ် ချုပ်ဆိုခဲ့စဉ်က

ဘီအိုင်အေ စစ်သေနာပတိ ဘ၀ ဗိုလ်ချုပ်အောင်ဆန်း

နိုင်ငံတော် လုပ်ကြံမှုကြီး
လွန်ခဲ့သော နှစ်ခြောက်ဆယ်ကျော် ၁၉၄၇ ခုနှစ်၊ ဇူလိုင်လ ၁၉ ရက်၊ နံနက် ၁၀ နာရီခွဲခန့် အချိန်တွင် ရန်ကုန်မြို့၊ အတွင်းဝန်ရုံး၌ ဗိုလ်ချုပ်အောင်ဆန်းနှင့်တကွ အာဇာနည် ခေါင်းဆောင်ကြီးများ လုပ်ကြံခံရသော လုပ်ကြံမှုသည် ယခုထက်တိုင် ဂျာနယ်လစ်များ ရေး၍ မပြီးဆုံးနိုင်အောင် မဟာလုပ်ကြံမှုကြီး ဖြစ်၏။ လုပ်ကြံသူများမှာ ၁။ဦးစော၊ ၂။ မောင်စိုး ၃။ သက်နှင်း ၄။ မောင်စိန် ၅။ ရန်ကြီးအောင် ၆။ သုခ ၇။ ခင်မောင်ရင် ၈။ မောင်နီ ၉။ မှုန်ကြီး ၁၀။ ဘညွန့် တို့ဖြစ်ကြ၏။
လုပ်ကြံခံရသူများမှာ ၁။ ၀န်ကြီးဦးအောင်ဆန်း ၂။ ၀န်ကြီးဦးဘချို ၃။ ၀န်ကြီးသခင်မြ ၄။ ၀န်ကြီးဦးဘ၀င်း ၅။ ၀န်ကြီးမန်းဘခိုင် ၆။ ၀န်ကြီးဦးရာဇတ် ၇။ မိုင်းပွန်စော်ဘွားကြီး စ၀်စံထွန်း ၈။ အတွင်းဝန်ကလေး ဦးအုန်းမောင် ၉။ အပါးတော်မြဲ မောင်ထွေး တို့ဖြစ်ကြသည်။
လုပ်ကြံမှုကြီးကို ဦးစောက ဦးဆောင်၍ အကောင်အထည်ဖော်သော်လည်း နောက်ကွယ်၌ အထောက်အပံ့တွေ များစွာ ရှိနေသည်ဟု ယူဆကြသည်။ နိုင်ငံတော် လုပ်ကြံမှုတိုင်းကလည်း ဤနည်းနှင်နှင်သာ ဖြစ်သည်။ လုပ်ကြံမှု တစ်ခု၏ နောက်ကွယ်၌ အုံနှင့်ကျင်းနှင့် ရှိတတ်ကြသည်။ ဦးစော၏ နောက်ကွယ်၌ ''မစားရတဲ့ အမဲ သဲနှင့်ပက်၊'' ''မင်းသားကြီး မလုပ်ရ ပတ်မကြီး ထိုးဖောက်''ဟူသော အယူအဆ ရှိသူများကတော့ အဓိက ကျနေပေလိမ့်မည်။
လူမိုက်အားပေး၊ မြှောက်ထိုးပင့်ကော်၊ အားပေးအားမြှောက် ပြုနိုင်သူများမှာ အရင်းရှင် ဓနရှင်များလည်း ပါဝင်ပေလိမ့်မည်၊ (ဗိုလ်ချုပ်က ကုန်သည်ကြီးများကိုခေါ်၍ သူတို့ အစိုးရ လက်ထက်တွင် အားလုံး ပြည်သူပိုင် သိမ်းမည်ဟု ကြိုတင်၍ ပြောထားသောကြောင့်)၊ ''လူဆိုတာ လေးဆယ်ကျော်ရင် ယုတ်မာတော့တာပဲ''ဟူသော ဘားနဒ်ရှော့၏ အဆိုအတိုင်း ဗိုလ်ချုပ်နှင့် ဆန့်ကျင်ဘက် အသက်လေးဆယ်ကျော် အာဏာ၏ အရသာကို မြည်းစမ်းဖူးသူ နိုင်ငံရေး လုပ်စားလိုသူ နိုင်ငံရေးသမား ဟောင်းကြီးများလည်း ပါဝင်ပေလိမ့်မည်။ နောက်မှ မွေးလာသူက 'မိဦး' ဖြစ်နေတာကို မနာလို မရှုဆိတ်နိုင်သော ဣဿာမစ္ဆရိယတွေကတော့ တွန်းအား ဖြစ်လိမ့်မည်၊ အများ ထင်ထားကြသူ တစ်ဦးတစ်ယောက်ကလည်း သူ၏ စိတ်ဓာတ်အရ ဖြစ်နိုင်ခြေတော့ ရှိသည်။ (မြန်မာရာဇ၀င်လာ လုပ်ကြံမှုများကို နောင်မှ တသီးတသန့်ရေးဖို့ ရည်ရွယ်ထားသည်)
လုပ်ကြံမှုဟူသည်
လုပ်ကြံမှုကို မြန်မာအဘိဓာန်က ''၁။ ဖြစ်မြောက်အောင် ကြံဆောင်သည်၊ ၂။ ကြိုးပမ်း တိုက်ခိုက်သည်၊ ၃။ တစ်စုံတစ်ဦးအား ကြိုတင်စီစဉ် သတ်ဖြတ်သည်၊ ကြိဝိ-လီဆယ် ဖန်တီး၍''ဟူ၍ ဖွင့်သည်၊ သို့ဆိုသော်လည်း အများစုက လီဆယ် ဖန်တီးမှုကိုသာ လုပ်ကြံမှုဟု နားလည်ကြသည်။
မဟုတ်မမှန် လုပ်ကြံဟု ဆိုသည့်အတိုင်း မဟုတ်မမှန်သော အမှု ဟူသမျှ လုပ်ကြံမှုသာ ဖြစ်သည်၊ နားလှည့်ပါးရိုက်ခြင်း၊ ပျားရည်နှင့်ဝမ်းချခြင်း၊ လက်တစ်လုံးခြားလုပ်ခြင်း၊ လူပါးဝခြင်း၊ လူလည်ကျခြင်း၊ ခြံစည်းရိုး၌ခွထိုင်ခြင်း၊ သာပေါင်းညာစားခြင်း၊ ပဉ္စလက်နည်းနှင့် လှည့်စားခြင်း စသော ပညာဉာဏ် ဦးစီးသော ကြံရည်ဖန်ရည် မဟုတ်ဘဲ မာယာဉာဏ် ဦးစီးသော ဉာဏ်နီဉာဏ်နက် သုံး၍ အကြံအဖန် လုပ်ဆောင်မှု ဟူသမျှ လုပ်ကြံမှုသာ ဖြစ်သည်။
ဆုတ်ကပ်၌ မဟုတ်မဟတ်တွေက များလှသည်၊ သားရောင်းသူ တချို့က ရေထိုး၍ရောင်းသည်၊ ငါးရောင်းသူတချို့က ခဲထည့်၍ ရောင်းသည်၊ ပဲရောင်းသူတွေလည်း တချို့က ခဲထည့်၍ ရောင်းသည်၊ နို့မှုန့်ထဲမှာ မယ်လမင်းဓာတ်တွေ ထည့်သွင်း လုပ်သဖြင့် လူမမယ် ကလေးငယ်များ ဒုက္ခရောက်ရသည်၊ မဟုတ်မဟတ် ဟူသမျှ လုပ်ကြံမှုတွေသာ ဖြစ်သည်၊ ဆုတ်ကပ်၌ လုပ်ဇာတ်တွေက များလှသည်၊  မဟုတ်မဟတ် လုပ်ဇာတ် ဟူသမျှ လုပ်ကြံမှုသာ ဖြစ်သည်။
အများ နားလည်ကြသော လုပ်ကြံမှုသည် ပါဏာတိပါတ အမှုနှင့်သာ ဆိုင်သလို ရှိသည်။ အမှန်စင်စစ် လုပ်ကြံမှု ဟူသည် အဒိန္နာဒါန အမှုနှင့်လည်း ဆိုင်သည်၊ မုသာဝါဒ အမှုနှင့်လည်း ဆိုင်သည်၊ ယင်းပါဏာတိပါတ၊ အဒိန္နာဒါန၊ မုသာဝါဒ အမှုတို့သည် အများပြည်သူနှင့် သက်ဆိုင်ပါက နိုင်ငံတော် လုပ်ကြံမှုသာ ဖြစ်သည်။
လုပ်ကြံမှုတွင် မာယာ ပါသည်၊ လုပ်ကြံမှုတွင် သာဌေယျ ပါသည်၊ လုပ်ကြံမှုတွင် ဉာဏ်နီဉာဏ်နက် ပါသည်၊ ကလိန်စေ့ကို ငြမ်းဆင်ခြင်းသည် လုပ်ကြံမှုပင် ဖြစ်သည်။
လုပ်ကြံခံရခြင်း
ပုထုဇဉ်လူသား အဖို့ ဟုတ်မှန်တာတွေက နည်းနေပြီ မဟုတ်မမှန်တာတွေက များနေသည်။ သညာဝိပလ္လာသ၏ လုပ်ကြံမှုကို ခံနေရသည်၊ စိတ္တ၀ိပလ္လာသ၏ လုပ်ကြံမှုကို ခံနေရသည်၊ ဒိဋ္ဌိဝိပလ္လာသ၏ လုပ်ကြံမှုကို ခံနေရသည်၊ သညာဝိပလ္လာသက အမှတ်မှားအောင် လုပ်ကြံထားသည်၊ စိတ္တ၀ိပလ္လာသက အသိမှားအောင် လုပ်ကြံထားသည်၊ ဒိဋ္ဌိဝိပလ္လာသက အယူမှားအောင် လုပ်ကြံထားသည်။
မမြဲသော ရုပ်နာမ်သဘောကို မြဲသယောင်၊ အတည်တကျ မရှိသော ရုပ်နာမ် သဘောကို အတည်တကျယောင်ဆောင် အမှတ် မှားနေသည်၊ အသိ မှားနေသည်၊ အယူ မှားနေသည်၊ မကောင်းသော၊ ဆင်းရဲသော ရုပ်နာမ်နှစ်ပါးကို ကောင်းသယောင်၊ ချမ်းသာသယောင် အမှတ်မှားနေသည်၊ အသိမှားနေသည်၊ အယူမှားနေသည်၊ အစိုးမရသော၊ အကောင်အထည် မဟုတ်သော၊ ငါမဟုတ်သော ရုပ်နာမ် သဘောကို အစိုးရသယောင်၊ အကောင်အထည် ဟုတ်သယောင်၊ ငါဟုတ်သယောင် အမှတ် မှားနေသည်၊ အသိ မှားနေသည်၊ အယူ မှားနေသည် မတင့်မတယ် နှစ်သက်ဖွယ် မဟုတ်သော ရုပ်နာမ်သဘောကို တင့်တယ်သယောင်၊ နှစ်သက်ဖွယ် ကောင်းသယောင် အမှတ်မှားနေသည်၊ အသိ မှားနေသည်၊ အယူ မှားနေသည်၊ ပုထုဇဉ် ဟူသည် ၀ါးတားတားမှ တကယ့် ၀ါးတားတား ဖြစ်သည်၊ လုပ်ကြံခံထားရခြင်းကြောင့် ဖြစ်သည်။
လုပ်ကြံမှုမှလွတ်ရာလမ်း
လုပ်ကြံမှုမှ လွတ်မြောက်ဖို့ အတွက် အစွန်း မထွက်သော မဇ္ဈိမ ပဋိပဒါလမ်းကို ရွေးချယ်၍ လျှောက်ရမည်၊ အမြင်မှန်ရမည်၊ အယူအဆ မှန်ရမည်၊ အတွေးအခေါ် မှန်ရမည်၊ မှန်မှန်ကန်ကန် ပြောရမည်၊ မှန်မှန်ကန်ကန် လုပ်ရမည်၊ မှန်မှန်ကန်ကန် အသက်မွေးဝမ်းကျောင်း ပြုရမည်၊ မှန်ကန်စွာ အားထုတ်ရမည်၊ အမှန်တရားကို အာရုံပြုရမည်၊ အမှန်တရားကို စိတ်ထဲ၌ ထားရမည်၊ မိမိတို့၏ ကံသုံးပါး သစ္စာတရားနှင့် ယှဉ်ခဲ့သော် လုပ်ကြံမှုမှ လွတ်မြောက်ပါလိမ့်မည်။