သာမန် မွေးစကလေးထက် နှစ်ဆကြီးသော အလေးချိန် ၁၆ ပေါင် ရှိသည့် ကလေး မွေးဖွား

အမေရိကန်နိုင်ငံ၊ တက္ကဆက် ပြည်နယ်တွင် ဇူလိုင် ၈ ရက်နေ့က သာမန် မွေးစကလေးထက် နှစ်ဆကြီးသော အလေးချိန် ၁၆ ပေါင် ရှိသည့် ကလေးတစ်ဦးကို မွေးဖွားခဲ့ကြောင်း သိရသည်။
ဂျန်နတ်ဂျွန်ဆင်က မွေးဖွားခဲ့သော ဂျမိုက်ကယ်ဟု ခေါ်သည့် ယင်းကလေးမှာ လောင်းဗျူးမြို့ရှိ Good Shepherd ဆေးရုံတွင် မွေးဖွားခဲ့သည့် ကလေးများ အနက် ကိုယ်အလေးချိန် အများဆုံးကလေး ဖြစ်လာကြောင်း သိရသည်။ အရွယ်ကြီးသော ကလေး မွေးလာမည်ဟု ဂျွန်ဆင် ဇနီးမောင်နှံက ကြိုတင် သိရှိထားသလို ၁၂ ပေါင် မှ ၁၃ ပေါင်ကြား ရှိမည့်ကလေး မွေးလာမည်ဟု ဒေါက်တာဂျွန်ကာ့ခ်ကလည်း မျှော်လင့်ထားသည်။
ဂင်းနစ်ကမ္ဘာ့စံချိန်မှတ်တမ်း ပြုစုရေးအဖွဲ့၏ မှတ်တမ်းအရ ၁၈၇၉ ခုနှစ်တွင် ကနေဒါနိုင်ငံသူ အန်ဘေးစ်က အလေးချိန် ၂၃ ပေါင်၊ ၁၂ အောင်စ ရှိသော ကလေးကို မွေးဖွားခဲ့ကြောင်း သိရသည်။ ဂျမိုက်ကယ်၏ မိဘမှာ ကိုယ်ခန္ဓာ ထွားကြိုင်းပြီး မိခင် ဖြစ်သူမှာ ကိုယ်ဝန်ဆောင်စဉ် ဆီးချို ဖြစ်နေသဖြင့် ကလေး အရွယ်အစား အပေါ် သက်ရောက်မှု ရှိခဲ့ကြောင်း ဒေါက်တာကာ့ခ်က ပြောကြားသည်။
ဆီးချိုရှိသော အမျိုးသမီးများမှ မွေးဖွားသော ကလေးများမှာ အရွယ်အစားကြီးကာ မွေးလာပြီး ကိုယ်တွင်း အင်္ဂါများ ဖွံ့ဖြိုးမှု နှေးကွေးကြောင်း၊ အချိန်မတိုင်မီ စောမွေးသော ကလေးများတွင် အသက်ရှူခက်သည့် ဝေဒနာ ခံစားရတတ်ကြောင်း ကာလီဖိုးနီးယား တက္ကသိုလ်မှ သွားဖွားမီးယပ်ဆိုင်ရာ ပါမောက္ခနှင့် ဥက္ကဋ္ဌ ဒေါက်တာ မန်နျူရယ်ပေါ်တိုက ပြောကြားသည်။
အမျိုးသမီး၏ သားအိမ်မှာ ၁၆ ပေါင် ရှိသော ကလေး (တစ်နည်းဆိုသော် အမြွှာ)ကို မွေးနိုင်စွမ်း ရှိကြောင်း၊ ကလေးအရွယ်အစား ကြီးပါကလည်း အန္တရာယ် မရှိနိုင်ကြောင်း ကျွမ်းကျင်သူများက ပြောကြားသည်။ မိခင်မှာ ဆီးချို ဖြစ်မှုကို မထိန်းချုပ် နိုင်ပါက ကိုယ်ဝန်ဆောင်ချိန်တွင် သန္ဓေသားမှာ ဂလူးကို့စ် လွန်ကဲစွာ ရရှိတတ်၍ အရွယ်အစားကြီးသော ကလေး မွေးဖွားတတ်ခြင်း ဖြစ်ကြောင်း နယူးယောက်မြို့ရှိ Mount Sinai ဆေးကျောင်းမှ ဒေါက်တာအန်ဟိုလ်ဇ်မန်က ပြောကြားသည်။