Welcome to my blog :)

rss

Sunday, July 17, 2011

ရိုးရှင်းသောအခွန် စနစ်နှင့် ထင်သာမြင်သာရှိမှုက အခွန် ပိုမိုရရှိစေနိုင်သည့် အကြောင်းတစ်ရပ်ဖြစ်

6421
ပြည်သူနှင့် ကိုက်ညီသည့် ရိုး ရှင်းသည့် အခွန်စနစ်၊ မျှတသည့် အခွန်ကောက်ခံမှု၊ ရရှိသည့် အခွန်များအား ပြည်သူအတွက်ပြန်လည် ခွဲဝေသုံးစွဲမှုများ ထင်သာမြင်သာရှိမှု ကသာ အခွန်ပိုမိုရရှိစေနိုင်သည့် အကြောင်းတစ်ရပ် ဖြစ်ကြောင်း ပညာရှင်များ၊ လုပ်ငန်းရှင်များက ဆိုသည်။
ဒီမိုကရေစီအစိုးရ ဟူသည် အစိုးရကိုယ်ပိုင်စီးပွားရေးလုပ်ငန်းများ ထူထောင်လုပ်ကိုင်ကာ ၀င်ငွေရှာဖွေ ခြင်းထက် အခွန်မှရသည့်ငွေဖြင့်သာ ပြည်သူများအတွက် ရပ်တည်ဖော် ဆောင်ပေးသည့်အစိုးရ၊ တစ်နည်း အားဖြင့် ပြည်သူပေးသောငွေဖြင့် ပြည်သူ့အကျိုးဖော်ဆောင်ပေးသည့် အစိုးရဖြစ်သည့်အတွက် ဒီမိုကရေစီ နိုင်ငံတစ်နိုင်ငံဖွံ့ဖြိုးရေးအတွက်အခွန် မှာအရေးပါကြောင်းလေ့လာသူများက ဆိုသည်။
“နိုင်ငံတစ်နိုင်ငံအတွက်  အခွန် ရဖို့ လိုပါတယ်။ မြန်မာနိုင်ငံမှာ အခွန်ရရှိမှုက နည်းနေပါတယ်။ ရသင့်ရထိုက်တဲ့အခွန်မရရှိရင်အစိုးရ ရပ်တည်ဖို့ခက်ခဲပါတယ်။ အခုအခွန်လွတ်နေတဲ့ လူတွေရှိတယ်။ ၀င်ငွေ နည်းပြည်သူတွေကို ပြောတာမဟုတ်ပါဘူး။ လုပ်ငန်းရှင်တွေထဲမှာတင် အခွန်ကို နည်းအမျိုးမျိုးနဲ့ ရှောင်သူတွေများပါတယ်။ လက်ရှိအခွန်စနစ် က လူနည်းနည်းကို များများကောက်တဲ့ စနစ်ဖြစ်နေတယ်။ တကယ်တမ်းက လူများများကို နည်းနည်း ကောက်ရမှာပါ။ များများကို နည်းနည်းကောက်တဲ့စနစ်က အခွန်ပို ရနိုင်ပါတယ်။ ဒါပေမယ့် အများ ပြည်သူဆောင်နိုင်တဲ့၊ ဆန္ဒရှိတဲ့အခွန် နှုန်းထားဖြစ်ဖို့လိုတယ်။ ဥပမာ ၀င်ငွေခွန်ကို တိတိကျကျကောက်ချင်တယ် ဆိုပါစို့။ တစ်လ၀င်ငွေကျပ် နှစ်သိန်းဝင်တယ်ဆိုရင် ၀င်ငွေခွန် နှုန်းထားအရ ၁၉ ရာခိုင်နှုန်းကောက် မှာပါ။ ဒီလိုဆိုရင် ဘယ်သူဆောင်ချင်မလဲ။ နှုန်းထားတွေ ပြင်ရမှာပါ။  တစ်လနှစ်သိန်း ၀င်တဲ့လူက ငါးရာခိုင်နှုန်းထက် ပိုဆောင်ချင်မှာမဟုတ်ဘူး။ အခွန်ရရှိမှုက နိုင်ငံအတွက် အရေးကြီးပါတယ်။ ရသင့်ရထိုက်တဲ့ အခွန်မရရင် နိုင်ငံရော၊ ပြည်သူရော ထိခိုက် နစ်နာမှုရှိပါတယ်။ အစိုးရဘက်ကလည်း ပြင်ရပြောင်းရမှာတွေကို လက်ခံပြီး ပြုပြင်ပြောင်းလဲဖို့ ဆန္ဒ ရှိနေတာကို တွေ့နေရပါတယ်”ဟု သမ္မတအကြံပေးအဖွဲ့ဝင်တစ်ဦးက ပြောကြားပါသည်။

မီဒီယာတွေက ဒီလို အခွန်ရှောင်နေတဲ့ လုပ်ငန်းတွေ၊ အခွန်ရှောင်နေတဲ့ လူတွေကို ထောက်ပြဝေဖန်ရမယ်။ အခွန်ရရှိအောင် လုပ်ပေးရမယ်။ အခု အခွန် ရသင့်ရထိုက်တာရဲ့ ၁၀ ရာခိုင်နှုန်း ၀န်းကျင်ပဲ ရှိတယ်
ပါမောက္ခချုပ်(ငြိမ်း)ဦးမော် သန်းကလည်း”နိုင်ငံသားတိုင်းအခွန် ပေးဆောင်ဖို့တာဝန်ရှိသလို ရရှိတဲ့ အခွန်ကလည်း တိုင်းပြည်ဖွံ့ဖြိုးဖို့ကို အထောက်အပံ့ဖြစ်စေရမှာပါ။  မြန်မာ နိုင်ငံမှာ ခုထိပြည်သူနဲ့အခွန် ရင်းနှီးမှု မရှိသေးဘူး။ ဒီအခြေအနေကိုပြုပြင် ပြောင်းလဲနိုင်ဖို့လိုတယ်။ အခွန်ရှောင် တာလည်း မဖြစ်သင့်တော့သလို အခွန်လွတ်နေသူတွေလည်း မရှိသင့် ဘူး။ အခွန်ကို မှန်မှန်ကန်ကန် မျှမျှ တတကောက်သွားရမှာပါ။ တစ်ဖက် ကလည်း ခေတ်နဲ့လျော်ညီတဲ့အခွန် စနစ်ဖြစ်ဖို့လိုတယ်။ မှန်မှန်ကန်ကန် ဆောင်နိုင်တဲ့နှုန်းထားဖြစ်ဖို့လိုတယ်။ ကောက်ခံတဲ့စနစ်နဲ့ ရရှိတဲ့အခွန်ကို အသုံးပြုတဲ့နေရာမှာ ပွင့်လင်းမြင် သာဖို့လိုပါတယ်။ ဒါမှအခွန်ရရှိမှု တိုးလာမယ်။ အခွန်ဆောင်ချင်စိတ် ရှိအောင်လည်း ပြည်သူတွေကို အသိပညာပေးဖို့ လိုပါတယ်”ဟု ထင်မြင်ချက်ပေးပါသည်။
ပါမောက္ခ ဒေါ်ရီရီမြင့်ကလည်း “အခုထိ အခွန်နဲ့ ပြည်သူ မရင်းနှီးသေးဘူး။ အခွန်ပေးဖို့ဆိုတာ နိုင်ငံ သားတိုင်းမှာ တာဝန်ရှိပါတယ်။ အခွန်ပေးတာက နိုင်ငံသားကောင်း ပီသတဲ့ ပြယုဂ်တစ်ခုပါ။ ချမှတ်ထား တဲ့ အခွန်စနစ်ကလည်း ထင်သာမြင်သာ ရှိဖို့လိုသလို မျှတဖို့လိုပါတယ်။ အခွန်နှုန်းများလို့ အခွန်နှုန်းလျှော့ ချလိုက်တာ လွယ်ပေမယ့် အများစု က အခွန်ပေးဆောင်ချင်စိတ် မရှိတာကျတော့ ပေးဆောင်ချင်လာအောင် လုပ်ဖို့ခက်တယ်။ အဓိကက အခွန်နှုန်းပြုပြင် ပြောင်းလဲနိုင်ဖို့ လိုပါတယ်။ အများပြည်သူ အခွန်ဆောင် ချင်စိတ်ရှိလာအောင်လည်း ပြုပြင်ပြောင်းလဲနိုင်ရမယ်”ဟု သုံးသပ်ပြော ကြားခဲ့သည်။
“အခွန်ပေးဆောင်တဲ့နေရာမှာ လွယ်ကူမှုနဲ့ ထင်သာမြင်သာဖြစ်မှုက အခွန်ငွေပိုမိုရရှိစေတဲ့ အကြောင်းတစ်ရပ် ဖြစ်ပါတယ်။ ကုမ္ပဏီကြီးတွေ အခွန်ဆောင်တာ ထုတ်ပြန်ပေးတာမျိုး၊ မီဒီယာတွေမှာ ထင်သာမြင်သာ ဖြစ်လာတာမျိုးတွေက အခွန်ငွေပိုရလာနိုင်တယ်။ နာမည်ကျော်ကုမ္ပဏီတွေ ကလည်း အခွန်ဆောင်တာကို ကြေညာလာရင်၊ အဓိကကတော့ ညီမျှမှုရှိရင် အခွန်ပိုဆောင်လာမှာ ဖြစ်ပါတယ်။ ဒီမိုကရေစီအစိုးရတွေက အခွန်နဲ့ပဲရပ်တည်ရမယ်။ ကိုယ်ပိုင် စီးပွားရေးနဲ့ ရပ်တည်လို့မရဘူး။ အစိုးရအခွန်ငွေ များများရတာ ပြည်သူလူထုရဲ့ သက်သာချောင်ချိမှု ကို ဖြစ်စေတယ်။ ပြည်သူတွေရဲ့ ကျန်းမာရေး၊ ပညာရေး၊ လူမှုရေးတွေမှာ ပိုသုံးလာနိုင်တယ်။ ၀န်ထမ်းတွေ သက်သာချောင်ချိလာနိုင်တယ်။ အဲဒါကြောင့် ပြည်သူတွေက အခွန် ပေးဆောင်ရမယ်”ဟု လုပ်ငန်းရှင် တစ်ဦးက ဆိုပါသည်။

လူတွေက ပတ်လည်လိမ်နေရတာကို မကြိုက်တော့ဘူး။ ပြည်သူ တွေကလည်း မှန်မှန်ကန်ကန် ဥပဒေကလည်း မျှမျှတတ ဖြစ်ဖို့လိုတယ်။ သွယ်ဝိုက်ခွန်တွေလည်း မပေးချင်တော့ဘူး။ တိတိကျကျပဲ ပေးချင်တယ်
အခွန်ပိုမိုရရှိမှသာ ပြည်သူများ၏ လူမှုရေး၊ ကျန်းမာရေး၊ ပညာရေး မှစကာ ပြည်သူများသက်သာ ချောင်ချိနိုင်စေရန် ဖော်ဆောင်နိုင်မည်၊ အခွန်ပိုရမှ နိုင်ငံဝန်ထမ်းများကို လောက်ငစွာ လစာပေးနိုင်မည်ဖြစ်ရာ နိုင်ငံအတွက် အရေးအကြီးဆုံး ပြောင်းလဲမှုပြုလုပ်ရမည့် အချက်တစ်ချက် ဖြစ်သည့် လာဘ်ပေးလာဘ်ယူမှုများ လျော့ကျရေးဆိုသည်ကိုလည်း ဖော်ဆောင်နိုင်မည်ဖြစ်ကြောင်း သုံးသပ်လာကြသည်။
အခွန်ထမ်းတစ်ဦးကလည်း “အခုလက်ရှိ မြန်မာနိုင်ငံရဲ့ အခြေအနေတွေအရ ရရှိသင့်တဲ့အခွန်ရဲ့ ၁၀ ရာခိုင်နှုန်းဝန်းကျင်ပဲ ရသေး တယ်။ ကျန်တဲ့ ၉၀ ရာခိုင်နှုန်း အတွက် ပညာပေးရင်းနဲ့ ပွင့်လင်းမြင်သာတဲ့ အခွန်စနစ်ဖြစ်ဖို့ လိုတယ်။ အခွန်ရရှိမှ တိုင်းပြည်ပို ဖွံ့ဖြိုးလာမယ်။ တစ်ဖက်မှာလည်း ဒီအခွန်တွေ ကို ဘယ်လိုသုံးတယ်ဆိုတာ ထင်သာ မြင်သာပြောရမယ်။ အခွန်ထမ်း ပြည်သူတွေအတွက် တကယ်ထိုက်ထိုက်တန်တန် သုံးစွဲထားတယ်ဆိုတာကိုပြမှ ပြည်သူပြည်သားတွေ ကလည်း အခွန်ဆောင်ချင်စိတ် ရှိမယ်။ တကယ်တော့ လျှော့သုံးသင့်တဲ့ကဏ္ဍ လျှော့သုံးရမယ်။ ပြည်သူ ပြည်သားတွေအတွက် အခွန်ငွေ ဆုံးရှုံးစေမယ့် တိုင်းပြည်အတွက် အကျိုးမရှိတဲ့ အသုံးစရိတ်တွေကို ဖြတ်တောက်ပစ်ရမယ်။ အကျိုးမရှိတဲ့ စီမံကိန်းတွေနဲ့ မလိုအပ်ဘဲသုံးရတဲ့ ဌာနတွေရဲ့အသုံးစရိတ်နဲ့ ပတ်သက်ပြီး မီဒီယာက ဝေဖန်ထောက်ပြရမယ်။ ပညာရှင်တွေကလည်း ထင်မြင်သုံးသပ်ပေးရမယ်။ အဲဒါဆိုရင် အစိုးရကလည်း အကျိုးရှိတာတွေမှာ သုံးလာမယ်။ အဲဒီလို အခွန်ဆောင်လာရင် ၀န်ထမ်းတွေ လစာတိုးလာ မယ်၊ လောက်ငလာမယ်ဆိုရင် လာဘ်ပေးလာဘ်ယူ နည်းသွားမယ်” ဟု ထောက်ပြခဲ့ပါသည်။
“ကျွန်တော်တို့ဂျာနယ်က စောင်ရေ ၇၀၀၀-၈၀၀၀ လောက်ရှိတယ်။ နှစ်နှစ်လောက်မှာ သိန်းရာချီရှုံးတယ်။ အခုအရှုံးမရပ်သေးဘူး။ အခွန်လာကောက်တော့ ကုန်သွယ်လုပ်ငန်းခွန် က ရှုံးရှုံးမြတ်မြတ် ဆောင်ရမယ်ဆို တော့ သက်သက်ညှာညှာ စောင်ရေ ၁၀၀၀ လောက်ပဲ ဆောင်ရင်တောင် သိန်း ၂၀ လောက်ကျတယ်။ အဲဒီတော့ ကျွန်တော်တို့ထက် စောင်ရေလည်းများ၊ အဆ ၄၀၊ ၅၀မြတ်၊ ဂျာနယ် သုံးလေး စောင်ထုတ်နေတဲ့ စောင်ရေအများဆုံးလို့ ကြော်ငြာထားတဲ့  7 Day တို့၊ နံပါတ်တစ်ဆိုတဲ့ Eleven တို့  ကျွန်တော့်ထက် အဆ လေးဆယ် ငါးဆယ်အခွန်ဆောင် ထားသလား။  သူတို့ရဲ့အခွန်ပမာဏ က သိန်းထောင်ဂဏန်းရှိလား။ သူတို့ ဆောင်ရင်ကျွန်တော်ဆောင်မယ်။ သူတို့ကလည်း သူတို့ထောင်ဂဏန်း ဆောင်ရရင် သူတို့ထက် ၁၀ ဆ လောက်မြတ်တဲ့ နာမည်ကျော်ပုဂ္ဂလိက ဆေးရုံကြီးတွေရော သိန်းသောင်း ဂဏန်းဆောင်ထားသလား ထောက် မယ်။ ပုဂ္ဂလိကဆေးရုံကြီးတွေကလည်း ဆောက်လုပ်ရေး ကုမ္ပဏီကြီး တွေကသူတို့ထက် လေး ငါး ၁၀ ဆ မြတ်တယ်။ သူတို့ရော သိန်းလေးငါးသောင်း အခွန်ဆောင်ထားသလား။ သူတို့ကလည်း လုပ်ငန်းစုံကုမ္ပဏီ အုပ်စုကြီးတွေက သူတို့ထက် လေးငါး ၁၀ ဆမြတ်တယ်။ သူတို့ရော ကျပ်ဘီလျံ ၂၀၊ ၃၀ ဆောင်ထားသလား။ အဲဒီလို သူတို့ဆောင်ရင် ကျွန်တော်လည်းပေးရမှာပေါ့။ ဒီတော့ နာမည်ကျော် လုပ်ငန်းတွေရဲ့အခွန်ပေးဆောင်မှုကို  တရားဝင်ကြေညာရင် အခွန်ကောက်ရ ပိုလွယ်သွားမယ်။ ကိုယ်တိုင်ကတော့ ဒေါ်လာဘီလျံနီးပါး ချမ်းသာတယ်ဆိုပြီး ပြောထားတယ်။ တကယ်ဆောင်တဲ့အခွန်က ဘယ်လောက်လဲ။ အခွန် အကြီးအကျယ်ရှောင်ပြီး နည်းနည်းပဲ ဆောင်တယ်ဆိုရင်  ကိုယ်ကိုယ်တိုင် ရှက်လာမယ်။ အခွန်ဆောင်တာက ဂုဏ်ယူစရာပါ။ ပြည်သူ့အကျိုး အတွက် တကယ်သုံးမယ်ဆိုရင် ၀မ်းမြောက်စရာဆိုတာ ယုံကြည်ထားပါတယ်”ဟု ဂျာနယ်ထုတ်ဝေသူ တစ်ဦးက သုံးသပ်ပြောကြားခဲ့သည်။
“အခွန်ကောက်တာကလည်း ပို့ကုန်သွင်းကုန်လုပ်ငန်းနဲ့ ကုန်ထုတ်လုပ်ငန်းတွေကိုပဲ ဖိကောက်တယ်။ တကယ်လွတ်နေတဲ့ကဏ္ဍတွေအများ ကြီးပဲ။ ဒီကဏ္ဍတွေက ရစရာရှိတာက တကယ်ရသင့်တဲ့ ပမာဏရဲ့ တစ်ဝက်လောက်ရှိနေတယ်။ ပွဲစားလုပ်ငန်း၊ အကျိုးဆောင်လုပ်ငန်းတွေ၊ ဆောက်လုပ်ရေးစီမံကိန်းတွေက ရတဲ့ ၀င်ငွေတွေ။ အရင်တစ်ခါ ၁၀ ဘီလျံတန် မြေကွက်တစ်ကွက် ၁၀ ရာခိုင်နှုန်း ပွဲခပေးလိုက်ရတယ်။ အဲဒီပွဲခ ၁ ဘီလျံက အခွန်ဆောင် သွားတာမဟုတ်ဘူး။ မီဒီယာတွေက ဒီလို အခွန်ရှောင်နေတဲ့ လုပ်ငန်းတွေ၊ အခွန်ရှောင်နေတဲ့လူတွေကို ထောက်ပြဝေဖန်ရမယ်။ အခွန်ရရှိအောင် လုပ်ပေးရမယ်။ အခု အခွန်ရသင့် ရထိုက်တာရဲ့ ၁၀ ရာခိုင်နှုန်းဝန်းကျင်ပဲ ရှိတယ်”ဟု ကုန်ထုတ်လုပ်မှု လုပ်ငန်းရှင်တစ်ဦးက ပြောကြားပါသည်။
မြန်မာနိုင်ငံတွင် မလိုအပ်ဘဲ မြှင့်ထားသည့်ဈေးနှုန်းများဖြင့် လုပ်ငန်းအတွက် ၀ယ်ယူအသုံးပြုနေရမှု များသည်လည်း အခွန်ထမ်းဆောင်ချင်စိတ်ကို အဟန့်အတားဖြစ်စေကြောင်း လုပ်ငန်းရှင်များက ထောက်ပြခဲ့ကြသည်။
“ပြည်သူတွေက အခွန်စနစ်ကို နားမလည်တာလည်း ပါတယ်။ ပြည်သူတွေက အခွန်ဆောင်ပေမယ့်ပြန်ရတဲ့ အကျိုးကျေးဇူးကနည်းနေတာ။ သွယ်ဝိုက်ခွန်တွေပေးနေတာ။ ကား၊ ဖုန်း၊ အင်တာနက်မှာ ပေးနေရတယ်။ နိုင်ငံတကာနှုန်းနဲ့ မဟုတ်ဘဲ မတန်တဆ ပေးသုံးနေတယ်။ ဒါကိုပြည်သူက သွယ်ဝိုက်ခွန်ပေးနေရတယ်လို့ ခံစားနေရတယ်။ အဲဒီကရတဲ့အမြတ်တွေကလည်း အစိုးရတစ်ဦးတည်းရသွား တဲ့အခွန်တွေမဟုတ်ဘူး။ ကြားထဲမှာ ပွဲစားတွေကရသွားတယ်။ အခွင့်ထူးခံတွေ ရသွားတယ်။ တခြားမကြည့်နဲ့ စက်မှုဇုန်ကားဆိုရင် သိန်း ၅၀၊ ၁၀၀ လောက်ပဲကျတဲ့ကားကို အဆင့်ဆင့်ဖြတ်ပြီး စီးသူက သိန်း ၅၀၀ လောက် နဲ့စီးရတယ်။ ပြီးတော့ ဖောက်လိုက် ပြင်လိုက်နဲ့ အရည်အသွေးကကျသွား ရော။ ဒီကားအတွက် အစိုးရကလည်း အခွန်မရဘူး”ဟု လုပ်ငန်းရှင်တစ်ဦး က ပြောကြားခဲ့သည်။
“အခွန်မှားကောက်နေတာလည်း ရှိတယ်လို့ပြောရင် မလွန်ဘူး။ ဥပမာ ကုမ္ပဏီတစ်ခုက ကျပ်သိန်း ၈၀၀ ရင်းနှီးထားတဲ့ ကုန်စည်ကို ပြည်ပကိုပို့တယ်ဆိုပါတော့။ ပို့တာနဲ့ အခွန် ခုနစ်ရာခိုင်နှုန်း ပေးဆောင်ရတယ်။ အဲဒီကုန်စည်အတွက် ဒေါ်လာ တစ်သိန်းပြန်ရလာတယ်ဆိုရင်  အခု ဈေးနဲ့ကျပ်သိန်း ၉၀၀ ရတယ် ထားပါတော့။ အရင်းက ကျပ်သိန်း ၈၀၀ ဖြစ်တဲ့အတွက် အမြတ်ငွေက ကျပ် သိန်း ၁၀၀ ရှိတယ်။ ဒါက အမြတ် ငွေအကြမ်းပေါ့။ အသားတင်အမြတ် မဟုတ်ဘူး။ အဲဒီကျပ်သိန်း ၁၀၀ ထဲ မှာ ကုန်သွယ်လုပ်ငန်းခွန်နဲ့ ပို့ကုန် အခွန်ပေးတာ၊ သယ်ယူစရိတ်အားလုံးက ကျပ်သိန်း ၄၀ လောက်ရှိတဲ့ အတွက် ကျပ်သိန်း ၆၀ အသားတင် အမြတ်၊ အဲဒီအသားတင်အမြတ်  ၆၀ ပေါ်မှာ ၃၀ ရာခိုင်နှုန်း ၀င်ငွေခွန် ကောက်ရင် ကျပ်သိန်း ၂၀ ၀န်းကျင် ကျသင့်မယ်။ ဒါက ဥပဒေအတိုင်း အခွန်နှုန်းအတိုင်း အတိအကျကောက်တဲ့ပုံစံပါ။ ဒါပေမယ့် အခုက ပို့လို့ ရတဲ့ ဒေါ်လာ တစ်သိန်းဆိုပါတော့ အဲဒီမှာ ခုနစ်ရာခိုင်နှုန်း နှုတ်လိုက်ရင် ဒေါ်လာ ၉၃၀၀၀ ကျန်မယ် အဲဒါကို ပြည်ပပို့ကုန်က ရတဲ့ငွေမာဈေးနဲ့ ဒေါ်လာဈေးခြားနားချက်ကိုယူပြီး မြှောက်ပြီးကောက်တဲ့အတွက် မှားနေတယ်။ ပြည်ပပို့လို့ရတဲ့ ငွေမာဈေးက တစ်ဒေါ်လာကို ၈၅၀၊ ရိုးရိုးဒေါ်လာ ဈေးက တစ်ဒေါ်လာကို ကျပ် ၈၀၀ ဆိုပါတော့ ခြားနားချက် ကျပ် ၅၀ ရှိတယ်။ အဲဒီ ကျပ် ၅၀ နဲ့ ဒေါ်လာ ၉၃၀၀၀ ကိုမြှောက်ပြီးအခွန်ကောက် တာဆိုတော့ ကျပ် ၄၆၅၀၀၀၀ အခွန်ပေးရတယ်။ တစ်ကယ်တမ်း ကျသင့်တာက အခွန် ကျပ်သိန်း ၂၀ ၀န်းကျင်ပဲလေ။ အခုက နှစ်ဆကျော် ပိုဆောင်ရတဲ့ သဘောဖြစ်နေတယ်။ အခွန်ဆိုတာကောက်ခံရမှာပါ။ ပုံစံ တကျကောက်ရင် ပိုပြီးအဆင်ပြေမှာ ပါ”ဟု စက်မှုလုပ်ငန်းရှင် တစ်ဦးကလည်း ပြောကြားခဲ့သည်။
“နိုင်ငံတိုင်းမှာ လူထုက ကိုယ့် ၀င်ငွေရဲ့ ၁၀ ရာခိုင်နှုန်းကနေ  ၄၀ ရာခိုင်နှုန်းအထိ အခွန်ပေးနေရတယ် ဆိုတာကို သိထားဖို့လိုတယ်။ ကျပ် သိန်း ၁၀၀ ၀င်ရင်အနည်းဆုံး ကျပ် ၁၀ သိန်းတော့ အခွန်ဆောင်ရမယ်။ အဲဒီလိုမဆောင်ရင် တာဝန်ကျေတဲ့ နိုင်ငံသားမဟုတ်ဘူး။ တာဝန်ကျေတဲ့ နိုင်ငံသားမှ အစိုးရကိုထောက်ပြ ပြောဆိုတာ ပိုပြီးသင့်တော်တယ်”ဟု စီးပွားရေးပညာရှင်တစ်ဦးက ပြောပြခဲ့သည်။
“ကုမ္ပဏီရုံးမှာဆောင်တဲ့ အခွန် က တိကျတယ်။ မြို့နယ်တွေမှာ အခွန်ဆောင်တာ လျော့ရဲတယ်။ ဥပမာ အရက်၊ ကုမ္ပဏီများဆိုင်ရာ အခွန်ရုံး မှာ အခွန်များတယ်။ မြို့နယ်တွေမှာ ဆောင်တာကျတော့ မရှိသလောက်ပဲ။ တစ်တိုင်းပြည်လုံးမှာရှိတဲ့ မြို့နယ် အခွန်ရုံးတွေအားလုံးက တိတိကျကျ ကောက်ပေးမှ အခွန်မျှမျှတတရမယ်။ ကိုယ့်အမြတ်ကို လူတိုင်းသိပါတယ်။ ကိုယ်က ငါးသိန်းလောက် မြတ်တယ်ဆိုရင် ငါးသောင်းလောက်တော့ ဆောင်သင့်တယ်။ လူတိုင်းဒီလိုဆောင်ပေးမှပဲ အစိုးရ အခွန်ရမယ်။ ၀န်ထမ်းတွေလောက်င မှ လာဘ်ပေးလာဘ်ယူ ပျောက်နိုင်တယ်။ အဲဒီလိုဖြစ်ဖို့ မီဒီယာရော ပြည်သူရော လုပ်ပေးရမယ်။ ဒီတိုင်းကောက်ရင် ငါးနှစ်တာကာလ အတွင်းမှာ အခွန်ရရှိမှုငါးဆတိုးလာ လိမ့်မယ်လို့ မျှော်လင့်တယ်။ ရှိနေတဲ့ အခွန်ထမ်းပြည်သူတွေကို ပိုကောက်တာထက် အခွန်ထမ်းပြည်သူသစ် တွေ ရှာရမယ်။ ရာခိုင်နှုန်းစားတွေ ကို ဖော်ထုတ်ရမယ်။ အိမ်ခြံမြေခွန်တွေကိုလည်း ၄၀ ရာခိုင်နှုန်းပဲချ။ နိုင်ငံတကာမှာလည်း ဒီလိုပဲ”ဟု ပို့ကုန်သွင်းကုန် လုပ်ငန်းရှင်တစ်ဦးက သုံးသပ်ခဲ့သည်။
“လူတွေက ပတ်လည်လိမ်နေရတာကို မကြိုက်တော့ဘူး။ ပြည်သူ တွေကလည်း မှန်မှန်ကန်ကန် ဥပဒေ ကလည်း မျှမျှတတ ဖြစ်ဖို့လိုတယ်။ သွယ်ဝိုက်ခွန်တွေလည်း မပေးချင်တော့ဘူး။ တိတိကျကျပဲ ပေးချင်တယ်။ စင်ကာပူ၊ အင်္ဂလန်တို့လို နိုင်ငံတွေမှာ အခွန်ထမ်းတွေကို ဘယ်လိုတာဝန်ယူထားလဲ။ အဲဒီလို ပြီးပြည့်စုံတဲ့ တာဝန်ယူမှုတွေရှိတယ် ဆိုရင်တော့ အခွန်ထမ်းတွေကလည်း အခွန်ဆောင်ရတာ သဘာဝကျတယ်။ လောလောဆယ်တော့ ဒီအဆင့် မရောက်နိုင်သေးဘူး။ ဘယ်သူမှ တိတိကျကျ မဆောင်နိုင်သေးတဲ့ အချိန်နိုင်သလောက်တော့ ဆောင်သွားရမယ်။ တချို့တွေက စီးပွားရေးလုပ်တဲ့အချိန်မှာလည်း အခွင့်ထူးရတယ်။ အခွန်ဆောင်တဲ့ အချိန်မှာလည်း အခွင့်ထူးရနေကြ တယ်”ဟု စက်မှုကုန်ထုတ် လုပ်ငန်းရှင်တစ်ဦးက ပြောကြားခဲ့သည်။
အခွန်မဆောင်လျှင် တာဝန်ကျေသည့် နိုင်ငံသားမဟုတ်ဟု သတ်မှတ်ထားသည်ဆိုသော်လည်း ပြည်သူအများ အခွန်ပေးဆောင်ချင်စိတ်ရှိသည့် အခွန်စနစ်၊ ဘက်မလိုက်ဘဲ ညီမျှသည့်အခွန်ကောက်ခံမှု၊ ပြည်သူ များက မိမိတို့ပေးသည့်အခွန်ဖြင့် တိုင်းပြည်အတွက် မည်သို့သုံးစွဲသည် ဆိုခြင်းကိုသိရှိမှသာ အခွန်ဆောင်ခြင်း အကျိုးကိုသိရှိကာ ကိုယ်ပိုင် အသိစိတ်ဖြင့် ပေးဆောင်လာကြမည် ဖြစ်ကြောင်း သုံးသပ်ကြသည်။

0 comments:

Post a Comment

မှတ်ချက်များကို စိစစ်ပြီးမှ ဖော်ပြပေးမည် ဖြစ်ပါသဖြင့် ဤစာမျက်နှာပေါ်မှာ ချက်ချင်း မြင်ရမည်မဟုတ်ပါ။ မကြာခင် နောက်တခါ ပြန်လာပြီး မိမိ၏ မှတ်ချက်ကို ပြန်ကြည့်ပါရန် မေတ္တာရပ်ခံပါသည်။

ပေါ်ပြူလာအဖြစ်ဆုံးပီုစ်များ

# # ခေါင်စဉ်အလိုက်ကြည့်ရန် »» #
# # # 1. 2. 3. # # Web Informer Button
#
(ဂေါ်ဖီထုတ်နှင့် ဟင်းနုနွယ်ကို စားခြင်းဖြင့် ဆီးချိုရောဂါ ကုစားနိုင်။)

အန္တရယ်အစ္စလမ်မစ်ဝဘ်ဆိုက်

မြန်မာမွစ်လင်တွေအတွက် အန္တရယ်ဝဘ်ဆိုက်များ၊ အစ္စလမ်သာသနာတော်အပေါ်ပုတ်ခတ်စော်ကားတဲ့ဝဘ်ဆိုက် များကိုဒီနေရာလေးမှာလင့်လေးများနဲ့ဖေါ်ပြပေးထားပါ့မယ် (MMSY) မြန်မာမွစ်လင်စတန့်ထွင်ကျောင်းသား လူငယ်ဗီဒ်အသ်တီလေးများစုစည်းရာ